Princ Harry dhe Meghan Markle u bënë prindër të një djali dy ditë më parë dhe të gjithë po presim me padurim në do jetë kokëkuq si i ati.

Kokëkuq ose jo, Archie Harrison nuk është princ dhe siç duket, s’do ta mbajë këtë titull ndonjëherë. Ngjan e çuditshme, por ja pse.

Vite më parë, kur Princ George V udhëhiqte vendin (rreth 1917-s), ai vendosi një limit mbi numrin e njerëzve që mund të mbanin titull mbretëror. 

Sipas një deklarate të tijën, meqë Princ Harry është djali i dytë i Princit të Wales, fëmijët e tij nuk mbajnë automatikisht titullin princ ose princeshë. Fëmijët e Harry-t janë shumë larg trashëgimit të fronit për tu quajtur “Lartësia Juaj” që në lindje.

Ama, nëse mbretëresha e plotfuqishme zgjohet mirë një ditë, ajo mund t’i japë titullin princ Archie-t. Mbretëresha është goxha tradicionale dhe kjo ka pak - në mos aspak - shanse të ndodhë.

Archie mund të mbante titullin Earl of Dumbarton, sepse është një prej titujve të Harry-t, por familja e tij vendosi kundër kësaj. Meghan dhe Harry duan një jetë të thjeshtë dhe s’kanë aspak në plan t’i japin të voglit një titull mbretëror. Tani e tutje, do të njihet si Master Archie.