Gwyneth Paltrow u ndje “e trishtuar” kur mësoi që Brad Pitt ishte martuar me Jennifer Aniston, sipas librit të ri të autores Amy Odell, “Gwyneth: The Biography”.
Gjatë një interviste në shtator 2000 në Festivalin e Filmit në Toronto, një gazetare e paidentifikuar në libër, e pyeti aktoren se si u ndje kur mori vesh për martesën.
Gwyneth u përgjigj: “Po më bën vërtet këtë pyetje? Nuk mund ta komnetoj këtë”, thuhet në libër, ndërsa autorja e përshkruan shikimin që i dha aktorja gazetares si “shumë të mprehtë, si thikë”.
“Në të vërtetë, Gwyneth u kishte rrëfyer miqve se ishte ndjerë e trishtuar kur kishte mësuar për martesën e tyre. Ajo gjithashtu e kishte zakon të thoshte se Brad “ka shije të tmerrshme për gratë”.
Aktorja , 52 vjeç, nuk mundi ta fshehte lëndimin e saj për martesën e aktorin me yllin e “Friends” dhe madje, lëshoi një thumb tjetër në një takim biznesi me trashëgimtaren e kozmetikës Estée Lauder, Aerin Lauder, më vonë atë vit.
“Gjatë një darke, të dyja po flisnin për Brad Pitt. Sipas dikujt që ishte i njohur me diskutimin, Gwyneth thuhet se i tha asaj: “Ai është më budalla se një thes me m*t”.
Gwyneth Paltrow dhe Brad Pitt filluan lidhjen në vitin 1994 pasi u njohën në xhirimet e filmit “Se7en.” Megjithatë, “dyshimet” e Paltrow për marrëdhënien e tyre e bënë atë të shfaqte simpati për një tjetër seks simbol të Hollywood-it — Hugh Grant.
“Gjatë xhirimeve të “Emma”, Gwyneth shprehu dyshime ndaj një anëtari të stafit se Brad Pitt nuk ishte i duhuri për të dhe pranoi se kishte një simpati për Hugh Grant,” thuhet në një tjetër pjesë të librit.
Dyshja u fejua në vitin 1996, por e ndërprenë lidhjen në vitin 1997 dhe nuk dhanë kurrë një arsye konkrete për ndarjen.
Pitt më pas nisi një lidhje me Jennifer Aniston, të cilës i propozoi në vitin 1999. Ata u martuan në Malibu më 29 korrik 2000, por u divorcuan pesë vite më vonë, pasi Brad Pitt e tradhtoi me Angelina Jolie.
Themeluesja e Goop u martua më vonë me këngëtarin e Coldplay, Chris Martin, më 5 dhjetor 2003 dhe solli në jetë dy fëmijë: vajzën Apple dhe djalin Moses. Ata u divorcuan pas më shumë se 10 vitesh martesë në vitin 2014. Aktualisht, Gwyneth Paltrow është e martuar me producentin Brad Falchuck, me të cilin kurorëzoi dashurinë në vitin 2018.
