Një biografi e re për Gwyneth Paltrow sapo është publikuar dhe është plot me zbulime bombastike. “Gwyneth: The Biography” nga Amy Odell ka bërë namin dhe ka rrëfyer për ndarjen nga Ben Affleck, Brad Pitt, prishjen e miqësisë me Madonna-n etj.
Ja 5 nga zbulimet më bombastike!
Kishte shumë, po shumë qejf Hugh Grant (S’ka faj)
"Gjatë xhirimeve të filmit “Emma”, Gwyneth shprehu dyshime te një anëtar i stafit nëse Brad Pitt ishte i duhuri për të dhe pranoi se kishte një simpati për Hugh Grant.
“Unë dhe Brad jemi rritur në mënyra të ndryshme”, ishte shprehur ajo, duke shtuar se duhet t’i shpjegojë Brad-it se ku ndryshon midhja nga beluga.
Brad Pitt ndihej i kërcënuar nga suksesi i saj
"Pas publikimit të filmit “Emma”, Gwyneth shkonte shpesh te shtëpia e mikut të saj, grimierit Kevyn Aucoin dhe qante për Brad-in. Ai donte të ishte me të, por dukej se ndihej i kërcënuar nga suksesi dhe vëmendja që merrte ajo. Këshilla e Kevyn ishte e drejtpërdrejtë: “Ti duhet ta përfundosh këtë histori”.
Gwyneth dhe Pitt nuk dhanë kurrë një arsye të qartë për ndarjen e tyre në vitin 1997, edhe pse disa përmendin një thashethem që ajo e tradhtoi me kolegun e filmit “Sliding Doors”, John Hannah.
Ajo i tha në 2015-ën, në një intervistë me Howard Stern: “Unë nuk isha gati dhe ai ishte shumë i mirë për mua.”.
Bënte super seks me Ben Affleck
"Ajo fliste hapur për sa shumë i pëlqente jeta e tyre seksuale. Një ditë i tha Kevyn se e adhuronte kur Affleck bënte [një akt të caktuar seksual]", shkruhet në biografi.
Ben Affleck ndoshta e tradhtoi
"Gwyneth dhe Affleck u ndanë pas më shumë se një viti lidhje. Kimia fizike nuk mjaftoi për të kapërcyer prirjet e tij vetëshkatërruese, përfshirë, ndoshta, edhe tradhtinë", ka shkruar autorja e biografisë.
Pas ndarjes nga Ben, Gwyneth u shpreh: “I dua burrat, edhe pse janë gënjeshtarë, mashtrues dhe plehra”.
Përfundoi miqësinë me Madonna-n
"Marrëdhënia e tyre arriti një pikë kulmore kur Madonna u shfaq në një ishull ku Gwyneth dhe Chris Martin po pushonin. Madonna dukej sikur e dinte që Gwyneth do të ishte aty, gjë që për Gwyneth-in ishte e çuditshme, sipas një miku".
Madonna më pas këmbënguli që ata t’i bashkoheshin një darke të madhe, ku ajo shpërtheu ndaj vajzës së saj, Lourdes.
Gwyneth dhe Martin mbetën të shokuar nga sjellja. “Nuk mund të rri më pranë kësaj gruaje” i tha Martin Gwyneth-it. “Është e tmerrshme”, vijoi ai dhe Gwyneth ra dakord që Madonna ishte toksike dhe i dha fund miqësisë.
