Kryetari i Kuvendit, Gramoz Ruçi ka vendosur të japë dorëheqjen nga të gjitha funksionet politike në Partinë Socialiste. Një lajm të tillë e ka konfirmuar vetë Ruçi gjatë fjalës së tij në kongresin e PS-së, në ditën e 30-vjetorit të kësaj partie.
Kryetari i parlamentit tha se duke nisur nga muaji shtator, që përkon me filliin e legjislaturës së re nuk do ta ushtrojë mandatin e deputetit në qarkun e Fierit dhe asnjë rol tjetër politik.
“Do deklaroj fundin e kësaj maratone, që si çdo maratonë ka startin dhe finishin. S’ka më mirë për ta thënë këtë se në këtë 30 vjetor të PS, s’ka më mirë që sot kemi fituar këtë mandat të drejtë, pas disa muajsh mbush 70 vjeç dhe dua që të deklaroj para jush se në 9 shtator që fillon legjislatura e re nuk do të ushtroj mandatin që më kanë dhënë socialistët dhe nuk do kem ambicien për të qenë në asnjë organ të zgjedhur të familjes time që më ka dhënë kaq shumë në këto 30 vjet."- u shpreh Ruçi.
