Martesa e Angelina Jolie dhe Brad Pitt mund të ketë marrë fund, por jo dashuria e njerëzve për filmin “Mr. & Mrs. Smith”, në të cilin ata u njohën dhe u dashuruan. Kështu, Angelina ‘u detyrua’ të firmoste një poster me fytyrën e Brad Pott dhe madje, edhe ta mbante atë në duar, teksa merrte pjesë në Festivalin e Filmit në New York.
Angie nuk bëri asnjë reagim, por shkroi emrin e saj mbi poster. Sipas zërave, ajo nuk hodhi asnjë shikim mbi portretin e ish-bashkëshortit.
Ndërkohë, në Festivalin e Filmit, nëna e 6 fëmijëve u paraqit siç i ka hije: Me një pallto të gjatë të zezë, fustan në tonin e shampanjës, një palë taka në ngjyrë nude dhe një palë syze aviatori të zeza. Ylli i “Maria” e kompletoi veshjen me një makeup të lehtë dhe me thonj të kuq që binin në sy.
Jolie dhe Pitt luajtën rolin e një çifti të martuar, të cilët gjithashtu ishin vrasës në filmin e famshëm “Mr. & Mrs. Smith”. Ky film u bë shkak që ata të njiheshin dhe të dashuroheshin dhe në të njëjtin vit, aktori u nda nga ish-i, Jennifer Aniston.
Pas një martese të gjatë me Jolie, kjo e fundit dhe Brad Pitt njoftuan divorcin në vitin 2016, duke shokuar botën. Ata të dy janë përfshirë në disa beteja ligjore. Çifti i famshëm janë prindër të 6 fëmijëve: Maddox, Pax, Zahara, Shiloh dhe binjakët Knox dhe Vivienne.
Artikuj të sugjeruar:
