George Clooney bëri një deklaratë befasuese, duke thënë se martesa është "e lehtë" dhe se ai dhe bashkëshortja e tij, Amal, nuk janë grindur kurrë gjatë një dekade martesë së bashku.
“Mbaj mend që kemi qenë këtu me ty një herë më parë dhe mbaj mend që thamë se nuk kemi pasur kurrë një debat,” i tha ai Gayle King, moderatores së "CBS Mornings", duke përsëritur deklaratën e tij të para dy viteve.
“Ndjehem jashtëzakonisht me fat që kam takuar këtë grua të jashtëzakonshme,” vazhdoi fituesi i Oscar-it.
“Ndjehem sikur kam fituar llotarinë. Nuk kalon asnjë ditë pa menduar se jam njeriu më me fat në botë. Kështu që, është fantastike.”
George dhe Amal u shfaqën së bashku në të njëjtin emision në vitin 2022, kur kjo temë u diskutua për herë të parë.
“Është çmenduri për disa nga miqtë tanë,” tha Amal atëherë. “Kam një kushëri, në fakt, sa herë që e shohim, pyetja e tij e parë është: ‘Atëherë, jeni grindur ndonjëherë?’ – përpara se të thotë ‘përshëndetje.’”
E habitur, King pyeti nëse çifti “seriozisht” nuk ishin grindur ndonjëherë dhe George me shaka u përgjigj:
“Dëshiron të grindemi tani? Do të ndiheshe më mirë?”
Amal ia atribuoi përputhjen e përsosur fatit të mirë. “Është 99 përqind fat që të takosh personin e duhur,” i tha ajo King, duke shtuar se përpiqen të mos jenë “cinikë” ose “të mbyllur” ndaj njëri-tjetrit për të shmangur konfliktet.
George u martua me avokaten e të drejtave të njeriut, 47 vjeç, në Venecia të Italisë në vitin 2014. Çifti më pas lindën binjakët Ella dhe Alexander në vitin 2017.
“Fëmijët tanë janë 7 vjeç, gati për të bërë 8, që është një moshë vërtet e bukur,” tha George Clooney.
“Janë shumë kuriozë dhe të këndshëm. Çdo prind mendon se fëmijët e tij janë të mrekullueshëm. Fëmijët tanë janë të lezetshëm dhe na bëjnë të qeshim.”
Kjo nuk është hera e parë që aktori shprehet me superlativa për bashkëshorten e tij.
Kur u pyet në vitin 2023 nëse mendonte se ishte “me fat që ishte martuar me dikë si Amal,” ai pranoi: “Po, dhe ende e mendoj kështu.”
“Të gjithë do të thoshin të njëjtën gjë,” tha ai duke qeshur. Një dashuri e tillë, duket tepër e bukur për t'u besuar.
Artikuj të sugjeruar:
Burimi: Page Six
