Rruga “Sami Frashëri” në Tiranë ka kohë që po gëlon nga lëvizjet e njerëzve të cilët po i drejtohen një destinacioni të ri, aty pranë shkollës “Edith Durham”. Të enjten e 25 janarit, ky segment i kryeqytetit ndriçoi i tëri e zhurmoi edhe më fort, nga hareja e mbërritjes në këtë “stacion të ri” të shijes, ndjesisë së mirë, klasit, argëtimit dhe pranisë të shumë prej personazheve të njohur nga bota e televizionit, medias apo biznesit.
Të gjithë për të festuar nisjen e një sipërmarrjeje interesante që ka sjellë (2 në 1): dy restorante në të njëjtin vend, sa të ngjashme në stil aq edhe të ndryshme, që pa diskutim mund të quhet tani trendi më i ri, mu në zemër të Tiranës, në zonën e Bllokut- Di Gaia!
Garancia e një mbrëmjeje të paharrueshme ishte stili i ri që të mahnit i Di Gaia - restorant & dining club dhe historia e suksesit 20 vjeçar, që vjen prej qytetit të Durrësit, me emrin e restorantit “4 stinët”, shkruar me dritë, në të njëjtën tabelë orientuese e prezantuese për çdo klient e për gjithçka preferon ai: në katin e parë kuzhinën mesdhetare, picat e pastat me fëmijët, familjen a shoqërinë, ndërsa një kat më lartë, shumëçka edhe më speciale, për veten, partnerin/partneren, shoqërinë.
Inagurimit iu bashkuan të njohur e të panjohur, të veshur me shije, elegancë dhe shumë gati për t'i dhënë jetë DiGaia-s!
Me një arkitekturë e interier modern, kokteje që mbajnë firmën e bartender-ave me përvojë, restorant Di Gaia ka një kuzhinë unike në shije e cilësi, fokusuar kryesisht te sushi, por edhe te kuzhina aziatike fusion, e cila ndërthuret aty-këtu me elemente kulinare nga vende të ndryshme të botës.
Kjo vjen pa i mohuar një pjese të klientëve as një prej kuzhinave më të dashura për shqiptarët, asaj italiane, me pasta e risotto të përzgjedhura me kujdes nga shefat e Di Gaia-s. Restoranti ofron gjithashtu receta origjinale me mishra Dry Aged dhe peshk të freskët, duke kënaqur shijet e ndryshme që gjithmonë bëhen arsyeja përse është e vështirë të vendosësh ku të shkosh me njerëzit e dashur.
E meqë jemi këtu, 4 këndet e veçuara private dining e bëjnë Di Gaia-n vendin ideal, që edhe të dalësh për një darkë me miq apo familjen, por pa sakrifikuar domosdoshmërisht edhe intimitetin e privatësinë e duke e shijuar përvojën në maksimum.
Janë të gjitha këto arsyet pse drejt këtij destinacioni të ri po shkojnë çdo ditë e më shumë njerëz. Pse të ftuarit e inagurimit zyrtar u larguan prej aty me dëshirën e një rikthimi të shpejtë, aty tek “Di Gaia”, që tashmë mund ta quajmë jo vetëm perëndeshën e tokës e të shijes, por edhe të zonës së Bllokut në Tiranën e larmishme.
