Pavarësisht të gjithë përpjekjeve që u bënë, filmi ikonik i adoleshentëve, Lizzie McGuire nuk do të rikthehet. Një lajm të tillë e ka dhënë vetë aktorja, Hilary Duff, e cila përmes një postimi në Instagram-in e saj ka shpjeguar gjithë arsyet e këtij vendimi.

"Kam qenë e nderuar që kam patur mundësinë te luaj personazhin e Lizzie-it. Për vite me radhë ajo ka ndikuar në jetën e shumë njerëzve, përfshi këtu dhe timen. Prekem kur shoh besnikërinë dhe dashurinë e fansave për këtë film. E di që kemi bërë shumë gjëra për një rikthim të saj, por pavarësisht përpjekjeve të të gjithëve, më duhet t'ju them se nuk do të ketë një tillë.

Dua që çdo rikthim i saj të jetë i ndershëm dhe i vërtet, të shkojë në një linjë me atë që Lizzie do të ishte sot. Ai personazh e meriton diçka të tillë. Jam shumë e trishtuar dhe ju them me siguri që bëmë gjithçka, por universi s'ishte në anën tonë. Eshtë thjesht 2020-ta!"- shkruan Hilary.

Përfaqësues të Disney-it, konfirmuan gjithashtu se puna për rikthimin e filmit ka ndalur. Lizzie McGuire pritej të publikohej këtë vit, por planet ndryshuan për shkak të mosmarrveshjeve me produksionin.

Burimi: Glamour