Eva Murati ishte e ftuar sot tek “Kafe In”, ku ndër të tjera sqaroi edhe faktin pse ka vendosur të qëndrojë e heshtur mbi jetën private. Ajo tregoi se i ka bërë shumë dëm vetes duke zbuluar informacione që ndoshta nuk duheshin thënë kurrë.

“[Jeta private] është një temë ku unë po përpiqem të mos futem shumë, pasi e kuptoj dëmin e madh që i kam bërë vetes sime për gjithë këto kohë duke i dhënë material njerëzve. Ky është gabimi im më i madh. Nuk e kam patur problem të flisja për këto gjëra, pasi familja ime e dinte, shoqëria ime e dinte. Unë jam person që e kam shumë vështirë të them ‘Jo’ dhe t’ua prish qejfin të tjerëve. Por kam kuptuar shumë më vonë, që kjo gjë më bënte mua më shumë keq, sesa i bënte të tjerëve mirë. Kështu e kam lënë tani. Herën tjetër që Eva Murati do të diskutojë temën e zemrës do të jetë kur të martohem.”

Gjithashtu moderatorja sportive foli edhe për filmat: “Shumë shpejt do të filloj xhirimet. Unë nuk kam qejt t’i zbuloj projektet, deri në ditën e parë të punës. Gjithsesi jam shumë e lumtur pasi shumë shpejt do të dalë produksioni që u xhirua një vit më parë. Për 1 ose maksimumi 2 muaj do të jetë në kinematë shqiptare 'Njeriu me këmishë', me regjisor Luan Kryeziun.”