Kim Kardashian po pi në formë kapsulash placentën e saj në mënyrë që të mos përjetojë depresionin post-partum pas lindjes së fëmijës së saj të dytë. Placentogafia apo shkenca e të përdorurit të placentës për qëllime të ndryshme është bërë tashmë një praktikë shumë zakonshme e konfirmuar dhe nga Kourtney Kardashian.
Personat që e kanë praktikuar këtë gjë kanë deklaruar që placenta përmban hormone të cilat kalojnë nëpërmjet fetusit dhe nënës dhe gjithashtu ndihmojnë organizmin e nënës në prodhimin e qumështit. Femrat dhe disa meshkujt e konsumojnë placentën në disa mënyra: në formën e një lëngu të shtrydhur, duke e vendosur në çamçakiz ose në formë të thatë nëpër kapsula.
Kim Kardashian e ka shpjeguar këtë zakon të çuditshëm të sajin nëpërmjet një fotografie në Instagram. Ajo e ka përdorur placentën për këtë qëllim dhe pas lindjes së fëmijës së saj të pare dhe ka thënë se tabletat i japin energji dhe e bëjnë të ndihet e shëndetshme.
“Kur them që konsumoj placentën time e kam fjalën që e marr atë në formë tabletash dhe nuk e gatuaj ashtu si bëjnë disa njerëz. Unë nuk doja të kaloja stresin dhe depresionin që kalojnë nënat pas lindjes kështu që ku ka më mirë se të përdorësh hormonet e tua për veten tënde. “
Motrat Kardashian mund të jenë entuziaste për këtë praktikë, por disa mjëkë nuk e sugjerojnë duke thënë se nuk ka asnjë provë që placenta është e shëndetshme. Problemi më i madh lidhet me faktin se ajo është shumë e vështirë për t’u ruajtur.
Burimi: Independent; Përshtati: Ergisa Bejkollari
