Margot Robbie dhe Jacob Elordi (të cilin mund ta njohësh si Nate nga seriali “Euphoria”) do të jenë protagonistët e filmit të shumëpritur, “Wuthering Heights” ("Lartësitë e stuhishme"), me regji të Emerald Fennell-it. Emerald është një ndër regjisoret më të njohura, e cila ka bërë edhe më parë adaptimin në kinema të “Promising Young Woman”, si dhe për filmin që bëri bujë, “Saltburn”.
Robbie, e cila rishtazi ka luajtur në filmin “Barbie”, që theu rekorde, ka qenë producente e të dy filmave të mëparshëm të Fennell.
Nga ana tjetër, Elordi ka luajtur në “Saltburn”, ku edhe mund të jetë njohur me aktoren Margot Robbie.
Ende nuk dihen detaje mbi adaptimin që Fennell do t’i bëjë kryeveprës së Emily Brontë, por njerëzit janë shumë entuziastë dhe mezi e presin filmin, i cili do të frymëzohet nga një prej novelave të preferuara në mbarë botën.
Novela e Brontë ka pasur shumë adaptime gjatë viteve, si versioni i William Wyler në vitin 1939 dhe ai i Andrea Arnold në vitin 2011. Subjekti i veprës tregon lidhjen kaotike të Heathcliff dhe Catherine, të cilët luhen pikërisht nga Elordi dhe Robbie.
Artikuj të sugjeruar:
