Dukagjin Lipa, i ati i Duas dhe një baba seksi (duhet theksuar, jo se ka lidhje me këtë artikull), foli për komentet e shumta në rrjet për faktin se Dua pi cigare. Në një intervistë për “Pushime on Top”, Dukagjini e bëri të qartë se e bija, para turneve dhe shfaqjeve të saj nuk pi as cigare dhe as alkool.
“Dua nuk e pi cigaren para koncertit. As alkool nuk pi, as cigare nuk pi. Kur jemi në turne, nuk pi. Kur është në pushim, pi”, u shpreh ai.
Më tej, Dukagjini tha shprehjen që duhet ta thotë çdo prind kur e pyesin pa takt për vendimet e fëmijëve të tyre të rritur (shto këtu konsumimin e cigares, veshjen, apo tatuazhet).
“Nëse vajza jote i ka 29-30 vjet, çfarë të drejte ke t’i thuash ‘pi’ ose ‘mos pi’?”, tha Dukagjini dhe vendosi pikat mbi i.
Pra, një burrë seksi dhe një baba që e kupton se e bija e tij e rritur ka të drejtë të zgjedhë ç’të dojë.
-
Surprizë nga Dua dhe Dukagjin Lipa duke kënduar “Era”? Po!
2 Gusht, 10:12 -
-
