Shpat Kasapi ka bërë një reagim në Instagram, pas lajmeve që u shpërndanë me shpejtësi se këngëtari dhe vëllai i tij ishin dhunuar brutalisht në një dasmë ku Shpati ishte i ftuar si këngëtar.
“Të dashur miq, unë jam mirë me shëndet, falë Zotit! Ju lutem mos e ekzagjeroni shumë lajmin. Ishte një keqkuptim me dasmorët, asgjë tjetër për t’u shqetësuar”, shkroi ai në Instastory.
Gjatë ditës së djeshme, në shumë medie, qarkulloi lajmi se Shpati kishte pasur konflikte me dasmorët në një restorant në aksin rrugor Prishtinë-Mitrovicë. Sipas zërave, në sherr ishte përfshirë dhe dhëndri, madje u pretendua se Shpati ishte paraqitur i dehur në dasmë.
Megjithatë, siç tha vetë këngëtari, asgjë për t’u shqetësuar. Urojmë që të jetë qetësuar konflikti me një “Valle Kosovare”.
