I ftuar në emisionin “Jo veç Kullera.” në Andale Media, reperi Don Phenom nuk u përmbajt aspak kur foli për gjendjen e skenës hip-hop në trojet shqiptare. I pyetur nëse më parë rap-i ka qenë më i fokusuar te diss-et dhe përplasjet mes artistëve, ndërsa tani ka ndryshuar drejtim, Don Phenom tha:
“Është çështja e komercialitetit dhe problemi është se tani janë bërë të gjithë motra dhe kur u vjen cikli, u vjen të gjithëve bashkë. Është shumë problem se nuk ka hiç konkurrencë.”
Por deklarata më e fortë erdhi kur u pyet nëse do bashkëpunonte me ndonjërin prej tre artistëve: Gjiko, Ledri Vula dhe Buta. Ai e nisi me diplomaci:
“Janë të gjithë djem të mirë dhe s’më kanë bërë asgjë.”
Por më pas shtoi:
“Kam një perspektivë të jetës sime si reper. S’mund të jesh dhe reper dhe spiun. Në Shqipëri është OK të jesh spiun dhe reper, mbushet club-i, s’është asnjë problem. Kushdo që ka bërë një deklaratë në gjyq, nuk ka si të jetë reper. Hiphopi, sado komerc që të jetë, nuk bën të jesh aq i degjeneruar. Ka shumë që janë të tillë me deklarata në gjyq dhe unë nuk i mbështes. Kaq është.”
Kujtojmë se kjo nuk është hera e parë që Don Phenom shprehet kaq prerë për artistë të tjerë të skenës. Në vitin 2021, një story në Instagram mori shumë vëmendje, kur ai hoqi Ledrin, Capital T dhe Gjikon nga lista e ndjekësve dhe publikoi këtë mesazh:
“Shumë prej jush ju kam hequr prej friends list në Instagram se jeni dashakeqës, ejani dhe më takoni në qoftë se doni, mbytuni të gjithë, viti 2021 nuk ka më diplomaci, do jua heq maskat të gjithëve publikisht se prapa skenave shumë prej jush ju kam degjeneruar, e dini shumë mirë. U riktheva.”
Megjithatë, duket se deklarata të tilla të flakta i përkasin së shkuarës, pasi siç tha dhe vetë Don Phenom, nuk i pëlqen të japë më shembuj negativë te njerëzit që e ndjekin. Në vend të tyre, një përgjigje diplomatike mund të jetë zgjidhja! ;)
