
Fansat e “Big Brother VIP Kosova” duket se kanë zbuluar datën e nisjes së edicionit të ri.
Një video e shkurtër e publikuar nga Olsa Muhameti në rrjete sociale shfaq moderatorin dhe autorin e programit, Alaudin Hamiti, në ambientet e shtëpisë së “Grande Fratello” në Romë, në kuadër të bashkëpunimi dhe shkëmbimi përvojash mes dy produksioneve televizive.

Por ajo që tërhoqi më shumë vëmendje ishte një moment, ku një pjesëtar i stafit italian dëgjohet duke pyetur Alaudinin për datën e nisjes së “Big Brother VIP Kosova”.
Përgjigjja e tij,“3 ose 7 nëntor”, është interpretuar nga ndjekësit si një zbulim i datës së premierës.
Megjithëse produksioni i Big Brother VIP Kosova ende nuk ka dhënë një konfirmim zyrtar, datat 3 dhe 7 nëntor duket se janë si opsione “në tavolinë”.