Foto: Britney Spears, Sam Asghari/ AFP

Në një postim të gjatë në Instagram, Britney Spears është hapur për një nga periudhat më të vështira të jetës së saj: tri vitet pa komunikuar me dy djemtë e saj.

Këngëtarja, 43 vjeç, rrëfeu se gjatë kësaj kohe të dhimbshme, martesa me Sam Asghari-n ishte thjesht një “shpërqëndrim i rremë” që e ndihmoi të përballonte dhimbjen.

“Jemi vetëm njerëz, kaq të brishtë dhe kaq njerëzorë... vitet më të vështira të jetës sime ishin ato kur djemtë e mi munguan për tri vite,” shkruan Britney, krahas një fotoje ku shfaqet e zhveshur, me shpinën nga kamera.

Martesa e saj me Sam, që nisi në vitin 2022 dhe përfundoi në vitin 2024, për Britney-n duket se ishte më shumë një formë arratisjeje sesa një lidhje e vërtetë.

“M’u ndërpre mundësia për të telefonuar apo shkruar djemve dhe në atë tronditje, mënyra ime për të mbijetuar ishte mohimi... dhe shumë lot. Ishte e çuditshme. Ne ishim të martuar, por ndihesha sikur ishte thjesht një shpërqëndrim i rremë për të përballuar dhimbjen,” shtoi ajo.

Në një moment më të ndjeshëm, ajo foli edhe për procesin e shërimit:

“E kuptoj që po shërohem sepse jam sërish e uritur... si një fëmijë i vogël. Më dhemb uria dhe kur ha, është si hera e parë që provoj ushqim në jetë.”

Britney shprehet gjithashtu se ka lënë pas shumë abuzime, trauma dhe tani ndjen një liri të re:

“Edhe pse e doja shtëpinë time, aty kishte shumë trauma… Sot falënderoj Jezusin për ushqimin. Më duket si një formë për të thënë ‘jo’, për të marrë kontrollin mbi trupin tim dhe për t’i treguar të gjithëve se nga vij në të vërtetë.”

Dhe më pas përfundoi:

“Shpirti im s’e ka përjetuar kurrë më parë këtë ndjesi me ushqimin… Është qesharake dhe paksa turp… po, po shkoj të ha akullore me biskota dhe krem. Zoti ju bekoftë të gjithëve.”

Britney Spears dhe Sam Asghari u takuan për herë të parë në vitin 2016 në xhirimet e videoklipit të këngës së saj “Slumber Party”. Pas një martese luksoze në vitin 2022, Sam Asghari kërkoi divorc në gusht të 2023-shit, duke përmendur “diferenca të pakapërcyeshme” mes tyre. Divorci përfundoi në maj të 2024-ës.

Në anën tjetër, marrëdhënia e Britney-t me djemtë e saj duket se po përmirësohet. Në fund të vitit 2024, ajo u ribashkua me djalin e saj, Jayden, 18 vjeç, pas një periudhe të gjatë të ndarë.

“Ajo është e lumtur që ka djalin pranë. Gjërat po ecin në drejtimin e duhur,” tha një burim për Page Six.

^{Burimi: Page Six}