Kim Kardashian na mori në një tur mbresëlënës brenda shtëpisë së saj 70 milionë dollarëshe në Malibu, në një prej epsidove të “The Kardashians”. Shtëpia është me pamje nga oqeani dhe është fantastike.
“E bleva këtë shtëpi në Malibu dhe kjo ka qenë ëndrra ime. Është një prej atyre momenteve ku duhet të më pickoni, sepse s’e besoj dot që kam arritur një qëllim që nuk mendoja se do të ishte real”, tha Kim, ndërkohë që i tregonte motrës, Khloé shtëpinë.
Kim tregoi pjesën e jashtme të shtëpisë dhe peizazhet e oqeanit dhe shtoi se shtëpia do të rinovohej dhe do të transformohej. Ylli 42-vjeçar u shpreh se shtëpia do të jetë për festa, por edhe për fëmijët e saj, North, Saint, Chicago dhe Psalm, si dhe për nipërit dhe mbesat.
Kim e bleu shtëpinë me 4 dhoma dhe 6 tualete në shtator të vitit 2022. Blerja e kësaj shtëpie listohet si marrëveshja e katërt me vlerë të lartë në shtetin e Kalifornisë për vitin 2022.
Shtëpia ka akses në një rrugë private në një plazh privat dhe ka një stil bashkëkohor dhe tualete me spa.
Artikuj të sugjeruar:
