“Boyfriend air” është termi më i fundit i TikTok, të cilin mund ta keni parë të përmendet pa shumë kontekst dhe pa u shpjeguar si duhet.

Teoria pas ajrit të të dashurit është mjaft e thjeshtë, edhe pse të gjithë kanë variantet e tyre. Hashtag-u #BoyfriendAir ka 14 milionë shikime në TikTok, edhe pse ka më pak se një muaj që qarkullon.

Sipas Know Your Meme, ajri i të dashurit është kur kaloni shumë kohë me partnerin, dhe “të metat tuaja” lidhur me pamjen fizike, theksohen më shumë.

Kjo mund të përfshijë: flokë të çrregullt, makeup të prishur apo lëkurë të acaruar. Të tjerë e lidhin me “mungesën e përpjekjes për t’u dukur mirë”.

Një përdoruese shkroi:

“Sapo mësova për teorinë e ‘ajrit të të dashurit’ dhe më bëri të kuptoj që kam pushuar së munduari të dukem sa më mirë. Pse? Duke filluar nga sot, do kujdesem për veten dhe do rikthehem në vajzën seksi që kam qenë gjithmonë.”

Kjo teori rrjedh nga “school air” – që është pak a shumë e njëjta gjë, por prej shkollës dhe jo prej të dashurit.

Megjithatë, lidhur me këtë të fundit, shumë njerëz janë skeptikë për teorinë.

“Nuk ekziston asgjë si ‘boyfriend air’. Thjesht ke filluar të ndihesh rehat dhe më vetvetja pranë partnerit dhe s’ka asgjë të keqe me këtë”, shkruan dikush.