Për shumë arsye, e hëna blu e ditës së sotme do shënojë edhe ditën më të dëshpëruar të vitit.
Cliff Arnall, profesor i universitetit Cardiff, ka shpikur një formë që parashikon nivelin e dëshpërimit ose lumturisë në një ditë, duke u bazuar në faktorë si: koha, borxhet dhe motvimi. Ekuacioni i tij sugjeron që e hëna e tretë e janarit, pra data 16, është dita më e trishtuar e vitit. Sipas tij, arsye për këtë nivel trishtimi janë faturat e pas Vitit të Ri dhe shpenzimet që janë bërë gjatë pushimeve.
Ai shton se edhe fitorja e Donald Trump-it, dalja e Britanisë nga BE dhe vdekja e shumë personazheve që kanë formuar fëmijërinë tonë, janë gjithashtu përcaktues. Këto ngjarje u kujtojnë njerëzve se asgjë nuk është e përjetshme.
“Depresioni sezonal do jetë shumë ndikues në të hënën blu, duke u renditur kështu si dita më e mërzitshme e vitit 2017. Shumë faktorë do të ndikojnë në këto ndjesi, duke tejkaluar 9 nëntorin e vitit 2016, kur Trump u zgjodh president”, u shpreh Arnall, i cili në 6 vitet e fundit, ka monitoruar rregullisht gjendjen emocionale të britanikëve.
