Një baba zemërthyer ka hequr dorë nga biznesi i tij për të ndërtuar një park lojërash me vlerë 26 milion paund për vajzën e tij me aftësi të kufizuara, pasi fëmijët e tjerë refuzonin të luanin me të.
Gordon Hartman mori vendimin më të rëndësishëm të jetës së tij pasi pa të bijën, Morgan, asokohe 12 vjec, teksa përpiqej të krijonte shoqëri me disa fëmijë të tjerë gjatë pushimeve, por ata refuzuan. Prandaj ai vendosi të shesë biznesin e tij të ndërtimit të shtëpive në 2005, për të krijuar parkun e parë në botë për të gjithë.
Gordon tregon për BBC: “Ne donim një park ku të gjithë mund të bënin gjithçka, ku njerëzit me dhe pa nevoja të veçanta mund të luanin.” Pasi u konsultua me prindër, doktorë, terapistë dhe ekspertë të tjerë, ai ndërtoi një park 26 milion paund, të cilit i vuri emrin e vajzës.
“Morgan’s Wonderland” ndodhet në San Antonio, Texas, u hap në 2010-ën dhe ofron metoda të ndryshme argëtimi. Për Morgan, 23 vjeç, por me zhvillimin mendor të një 5-vjeçareje, ishte pak e vështirë përshtatja, por tani adhuron të luajë atje. Pas hapjes, parku ka tërhequr më shumë se 1 milion vizitorë nga 67 vende të ndryshme. Përpos kësaj, Gordon tregon se parku humbet çdo vit 750 mijë paund si pasojë e dhurimeve dhe fondacioneve.
Burimi: The Sun
