Pak ditë më parë prezantuesi televiziv, John Brown humbi toruan dhe vendosi të largohej për një moment nga transmetimi i drejtëpërdrejtë. Arsyeja: Klani Kardashian.
"Jam duke kaluar një të premte të këndshme, ndaj refuzoj të flasë për Kardashian sot"- tha Brown kur po transmetohej lajmi se Kylie Jenner e kishte quajtur lepurin e saj, Bruce. Ai shkoi më tej kur u shpreh se ishte i lodhur nga lajmet e klanit Kardashian dhe nuk i interesonte aspak familja e famshme.
Fill pas kësaj ngjarjeje që bëri bujë në rrjetet sociale duket se lutjet e shumë njerëzve janë dëgjuar dhe njerëzit anë e mbanë botës janë duke u bërë gati për një javë të lirë, pa Kardashian-ët.
Ka qënë blogeri i njohur Perez Hilton ai që ka ndezur 'lojën' përmes postimit në Twitter kur shkroi: "Për gjithë kolegët e mi të medias. A mund të bëjmë pak pushim me Kardashian? Të paktën për një javë? Asnjë mbulim për Kardashian nga e hëna në të premten? A do të më bashkoheni mua"- u tha ai 6 milion ndjekësve në rrjetin social. "Kjo nismë përfshin edhe të gjithë të dashurit/bashkëshortët dhe ish-ët!"- vazhdoi Hilton. "Përfshirë edhe anëtarët e familjes Jenner. Natyrisht!"
Kështu pra ka nisur #JoKardashianPërNjëJavë, një bojkot lajmesh, që po përkrahet edhe nga shumë media të tjera online.
"Java më e bukur"- shkroi një ndjekës në Twitter, ndërsa dikush tjetër e cilësoi lajmin si një ëndërr e bërë realitet.
