Po, Armina Mevlani dhe Shkëlzen Berisha kanë ndërmend të martohen, por s’janë akoma gati të thonë publikisht një datë! Të paktën, kështu u shpreh Armina e ftuar në “Pushime on Top”. E pyetur nga Ori Nebijaj në lidhje me jetën e saj private, Mevlani zbuloi se është ende shumë e dedikuar pas lidhjes së saj 7-vjeçare dhe se sigurisht ka plane dasme.

“E kam një ide se ku dua ta bëj apo se si do të organizohet, por s’kam vendosur ende një datë që ta bëj publike.”- u shpreh ajo.

Përpos kësaj, mëmësia është një tjetër dëshirë e bloger-es dhe pse tani për tani është ende herët.

“E mendoj veten nënë. Unë jam e lumtur që Zeni ka dy fëmijë me të cilët unë shkoj shumë mirë dhe i dua jashtë mase. Jam gjithashtu e lumtur të dijë që fëmija im s’do të jetë si unë, por do të ketë shumë motra dhe vëllezër. Më pëlqen familja e madhe.Arsyeja e vetme pse s’kam bërë fëmijë është se s’jam ndjerë gati, por edhe Zeni s’më ka bërë presion dhe pse e dëshiron shumë.

Unë jam 28-vjeç dhe shoqet e mia kanë mentalitet tjetër. Nuk mendojnë se fëmijë duhet bërë tani me patjetër. Unë dua t’i dedikohem 100% fëmijës tim, jo të ma rrisin të tjerët. Gjithsesi, fëmija mund të vijë pas martese.”- përfundoi Armina.

Çifti u fejua tetorin e kaluar përmes një ceremonie shumë private.