Stili i Armina Mevlanit është frymëzuar goxha nga ikona amerikane e burlesque Dita Von Teese. Mbrëmë, jo krejt pa shkak, ajo i dedikoi një seri postimesh stilit të saj ndër vite, me një surprizë në fund. “Kur isha 18/19 vjeçe, kuptova që më pëlqente shumë stili i viteve ’40-’50. Kështu që fillova të vishesha si një “pin-up girl,” shkruan Armina.
“Pin-up girls” quheshin modelet e posterave të viteve ’40, pasi supozohet të vareshin në mur (pinned up).
Përveç veshjeve që frymëzoheshin dukshëm nga modelet pin-up, Armina bëri të vetin edhe buzëkuqin e kuq, siç mund të shihet në të gjitha fotot në vijim.
Në mendje, gjithnjë kishte Dita Von Teese, modelen dhe kërcimtaren që i riktheu popullaritetin burlesque, kërcimit erotik të periudhës. Si referencë, ndiqni videon më poshtë.
Dita është e njohur për flokët e zinj, belin e hollë si rrjedhim i koreseve të ngushta që përdor, buzët e kuqe, lëkurën e bardhë prej geishe dhe klasin që i vjen natyrshëm.
Armina, ende adoleshente, përpiqej të rikrijonte look-et e saj.
Të njëjtën gjë bëri dhe mbrëmjen që e takoi. Në një prej shfaqjeve të Dita Von Teese, Armina në publik zgjodhi një fustan të zi me një anë të çarë dhe kopsa që binin në sy. Grimi, sigurisht i pastër me buzë të kuqe.
Dhe ja ku janë! Armina dhe Diva!
