'High 1' 'High 2', 'High 3'...
‘Shkojna nalt, bohem HIGH, ti s’e din sa HIGH’ thotë Cozman në këngën ‘Shum’ i smut’. Cozman-in ‘High’ e kemi njohur edhe më parë; në 2012-ën, ai u shfaq në këngën e parë të Babastars, që i kushtohej kulturës së ‘High’-it, i rrethuar nga gjelbërimi Lazaratas. Kënga u prit mjaft mirë, ndaj Babastars (Getoari, Agon Amiga, Cozman, Skivi) publikoi edhe 2 këngë të tjera alla-post-marijuanë: High 2 dhe High 3. Kaq sa për Cozman-in.
Stresi: 'Për mua marijuana është e ligjshme'
Një tjetër arrestim i bujshëm qe edhe ai i Stresit, i cili pasi bëri intervista ndërsa ishte në arrati, publikoi edhe foto me një tufë hashash, një armë zjarri plastike, dhe video të shumta ndërsa tymoste hashash me miqtë. Lidhur me këtë ai ka thënë se ‘hashashin unë personalisht e kam të legalizuar. Ka ardhur koha secili për vete’
'Bëhu dru/ se rregullohesh'
Por nëse këta i kapi policia, Era Istrefi ka një moto për çdo rast: ‘Se when I roll/ mo nuk nalna as n’patroll’ (se kur e dredh, nuk nalna as n’patroll). Kënga e saj tanimë shumë e njohur, ‘BonBon’ e shfaq Erën në një moment të videoklipit teksa bën shenjën e ndezjes së cigares dhe thotë ‘Kur t’m vyn s’je mo/ futja futja high/gonna be alright’. (Kur të më kujtohesh, bëhem dru, gjithçka do të jetë në rregull’. Era ka shpërndarë më parë edhe në rrjetet sociale video dhe foto duke tymosur marijuanë. Ajo është pjesë e pandarë e teksteve të këngëve të saj. Si mund ta duash Bob Marley-n pa marijuanën?
Para armët trima!
Para dhe pushtet: Ky është Noizy në këngët e tij. Fuqi, makina dhe armë përmenden aq shumë në këngët e Noizy-t, i cili është ‘më i forti n’treg’ dhe që duhet pasur frikë nëse ‘nuk je i anëve të tij’ ndaj nëse ke ndërmend të shkelësh në zonën e Noizy-t, duhet ‘ta mendosh 2 herë’. Kështu thuhet në vargjet e këngës ‘Gunz Up’- nxirrni armët. Megjithatë, në një moment ai reflekton dhe thotë: ‘Mos mendo se jemi krenarë që jetojmë këtë jetë dreqi/ ne nuk e zgjodhëm atë’.
Para, seks dhe drogë
Por edhe Dafina Zeqiri është një adhuruese e Bob-it. Këngë të sajat si ‘Veq ti’ që është edhe në rrymën reggae apo ‘Money, Sex and Drugs’, portretizojnë jetën shum’ high të qejfit, seksit dhe parave që s’mbarojnë. Aq shumë para, sa mund të përdoren edhe për të dredhur ndonjë cigare.
T'bardh a t'kuqe?
Por ja ku del Nalt-madhnia e tij, bari, edhe tek teksti i këngës ‘Lule Lule’, e Florit me Kaos: ‘I çoj trëndafil kur e tradhtoj, Cannabis kur e idhnoj/ t’lutna çelna derën nëse don me jau ni erën’. Lule t’bardha a t’kuqe, veç për ty… këndojnë Kaos.
P'e nezim edhe ka njo
Ndërsa Enca, e cila edhe ka publikuar disa video në Snapchat ku shfaqet duke tymosur, publikoi në 2015-ën një këngë me Mozzik-un: ‘Edhe njo’. ‘Unë kam pi/ edhe mirë ty nuk po t’shoh/ s’jam n’gjendje t’mirë/ po e pim’ edhe ka njo’ këndon Enca, ndërsa Mozzik-u ia pret: ‘Syt e kuq si m’i ly me hajvar’.
Marijuana: kulti i jetës së nalt' që kur s'na kujtohet
Dhe ka një pafundësi këngësh për hashashin dhe marijuanën në Youtube, të cilat datojnë 8 apo 9 vjet më parë, atëherë kur marijuana ende nuk ishte kthyer në objekt mistifikimi. Nëse ke armë, je i fortë. Nëse tymos hashash apo marijuanë, je ‘nona’. Po nëse e tregton? Akoma ‘ma nalt’!
Po nëse pastaj, të kap policia dhe dënohesh me burg?
‘Për një fytyrë e sedër jetoj’, do të përgjigjej Stresi.
