Anna Kendrick e ka pasur “shumë të vështirë” të kuptojë që ishte në një marrëdhënie abuzive. Aktorja 39-vjeçare ishte në një marrëdhënie abuzive për shtatë vjet - por Kendrick pranoi se për shumë kohë e kishte të vështirë të identifikonte të vërtetën rreth ish-partnerit të saj.

Gjatë një paraqitjeje në podcast-in “Call Her Daddy”, Kendrick rrëfeu: “Po lexoja të gjithë artikujt dhe mendoja: ‘Kjo nuk duket… disa nga këto gjëra duken siç i përshkruajnë, por jo plotësisht.’”

“Ishte si një ndryshim brenda natës… që vazhdoi për rreth një vit. Kështu që, ai nuk ndiqte atë modelin më tradicional.”

Kendrick - e cila nuk ka zbuluar emrin e ish-partnerit të saj - fillimisht mendoi se ajo ishte shkaktarja e problemeve të tyre në marrëdhënie. Megjithatë, ylli i Hollywood-it më në fund kuptoi se ai ishte problemi në marrëdhënien e tyre.

Ajo shpjegoi: “Kjo erdhi nga hiçi, por ishte ndërtuar mbi faktin që kisha aq shumë dashuri dhe besim për atë person, kështu që mendoja se duhej të isha unë”.

“Nëse njëri nga ne është i çmendur, duhet të jem unë. Kështu që ishte shumë, shumë e vështirë të thoja: ‘Jo, mendoj se ky është ai. Mendoj se janë problemet e tij’. E ktheva jetën time përmbys duke u përpjekur të rregulloj çfarëdo që ishte gabim me mua.”