Në gusht, Anjeza Maja njoftoi largimin nga Top Channel ku moderonte prej vitesh emisionin e paradites, “Në shtëpinë tonë”, krah Florian Agalliut. Siç tha asokohe, “besoj ishte mjaftueshëm eksperienca me emisionin e paradites.”
Projekti i radhës i Anjezës kërkonte prezencën e saj si protagoniste, por jo si moderatore. Ajo është një prej konkurrenteve të “Dance with Me”, gjë që shpjegon deklaratën pararendëse.
Në një intervistë me Revistën Class, Anjeza iu përgjigj pyetjes tipike pas një largimi: pse u largove?
“Tokë e sigurt nuk është për askënd televizioni. Televizioni është një tokë e minuar dhe që kërkon të jesh gjithmonë i vëmendshëm, mos vritesh. Sigurisht, flas simbolikisht, sepse nga ana tjetër do të të thoja që është edhe më i thjeshtë, nëse beson te vetja dhe ecën afër njerëzve të duhur. Nëse nuk të bëhet familje një ekran, më mirë të ikësh. Në bankë mbase nuk është e nevojshme. Besoj e dhashë përgjigjen.”
Në fund të intervistës, Anjeza thotë shkarazi që do të jetë pjesë e stafit kryeministror.
“Është një projekt ambicioz i Endri Fugës dhe më pëlqen shumë si tokë e re në jetën time profesionale.”
