Pas më shumë se 7 vitesh martesë, Amy Schumer ka paraqitur zyrtarisht kërkesën për divorc nga bashkëshorti i saj, Chris Fischer.
Edhe pse, sipas dokumenteve të dorëzuara në gjykatën e New York, kërkesa është dorëzuar zyrtarisht dje, Amy Schumer e kishte bërë publik lajmin e ndarjes më 12 dhjetor përmes një postimi në Instagram, pas spekulimeve në rrjet mbi gjendjen e martesës së tyre.
“Chris dhe unë kemi marrë vendimin e vështirë për t’i dhënë fund martesës sonë pas 7 vitesh,” shkroi ajo. “Ne e duam shumë njëri-tjetrin dhe do të vazhdojmë të fokusohemi te rritja e djalit tonë. Do ta vlerësonim shumë respektimin e privatësisë sonë në këtë periudhë.”
Megjithatë, ajo theksoi se ndarja është miqësore, gjë kjo e cila u dëshmua edhe nga burime pranë çiftit.
Pas një sërë aludimesh që qarkulluan mbi marrëdhënien mes tyre, në dhjetor të vitit të shkuar, Amy Schumer tha se çfarëdo që po ndodhte mes saj dhe Chris Fischer nuk kishte lidhje me humbjen e saj të peshës, apo autizmin e bashkëshortit.
Në një postim të datës 4 janar, duke parë përpara drejt vitit 2026, aktorja shkroi se ky vit do të jetë i përqendruar te kujdesi dhe dashuria për veten, duke i ftuar njerëzit të vlerësojnë shëndetin, familjen dhe miqtë, e të ecin përpara “pa pendesa, vetëm me dashuri”.
View this post on Instagram
Aktorja dhe Chris Fischer, u martuan më 13 shkurt 2018 dhe kanë një djalë 6 vjeç, Gene.
