Ndërsa pamë këtë foto të Eneda Tarifës dhe Gent Laskut në Instagram...
View this post on Instagram
Këtë komentin që shkroi atë që po mendonim, si dhe konfirmimin e Enedës, na (ri)lindi pyetja: “A marrin ‘hijen’ e njëri-tjetrit partnerët me kalimin e kohës?’.
Kështu, kërkuam dhe zbuluam një studim në Universitetin e Stanfordit në SH.B.A, ku studiuesit kanë përdorur teknologji moderne për këtë çështje. Pasi kanë analizuar mijëra fotografi publike të çifteve, ata besojnë se më në fund mund t’i japin një zgjidhje çështjes.
“Është diçka për të cilën njerëzit besojnë dhe ne ishim kuriozë për këtë," tha Pin Pin Tea-makorn, një studente PhD në Stanford. "Mendimi ynë fillestar ishte se nëse fytyrat e njerëzve ngjasojnë me kalimin e kohës, ne mund të shohim se cilat lloje karakteristikash ngjasojnë."
Duke punuar me kolegun e saj nga Stanford, Michal Kosinski, Tea-makorn përdori si burim Google, njoftimet e përvjetorit të gazetave dhe faqet e internetit për fotot e çifteve të marra në fillim të martesave të tyre dhe shumë vite më vonë. Nga këto ata përpiluan një bazë të dhënash me fotografi nga 517 çifte, të marra brenda dy viteve nga kurorëzimi në martesë dhe midis 20 dhe 69 vjetësh më vonë.
Për të provuar nëse fytyrat e çifteve u bënë të ngjashme me kalimin e kohës, studiuesit u treguan vullnetarëve një foto të një personi të shoqëruar nga gjashtë fytyra të tjera, ku njëra prej tyre ishte bashkëshorti/ja, ndërsa pesë fytyrat e tjera të zgjedhura rastësisht. Vullnetarëve më pas iu kërkua të renditnin se sa të ngjashme ishin secila nga gjashtë fytyrat me individin e përzgjedhur. E njëjta detyrë u krye më pas nga softueri i njohjes së fytyrës.
Në studimin origjinal në vitin 1987, psikologu i ndjerë Robert Zajonc, në Universitetin e Miçiganit, arriti në përfundimin se fytyrat e çifteve u bënë më të ngjashme kur martesat e tyre vazhdonin dhe ky efekt ishte më i madh në varësi të lumturisë. Shpjegimi, kanë argumentuar psikologët, është se të jetuarit me dikë formon fytyrat e njerëzve; me dietë, mënyrë jetese, kohë duke qëndruar jashtë etj.
Sidoqoftë, Tea-makorn dhe Kosinski përshkruajnë se ata nuk gjetën prova për çiftet që dukeshin më të ngjashëm me kalimin e kohës. Sidoqoftë, ata dukeshin më të ngjashëm se në fillim të marrëdhënies së tyre.
Gjetjet sugjerojnë se çiftet e famshme të tilla si Dylan Sprouse and Barbara Sprouse dhe Courteney Cox and partner Johnny McDaid, nuk do të duken më të ngjashëm me kalimin e kohës. Ata thjesht kanë zgjedhur partnerë që kanë tipare të ngjashme me veten.
“Një nga problemet kryesore në shkencat shoqërore është presioni për të dalë me teori të reja, të mahnitshme dhe të vlefshme për lajme. Kjo është mënyra se si publikoheni, punësoheni. Si rezultat, fusha është e mbushur me koncepte dhe teori jo të vërtetuara si duhet,” tha Kosinski.
Një nga projektet e ardhshme të dy studiuesve është të hetojnë pretendimet se emrat e njerëzve mund të parashikohen me saktësi vetëm nga fytyrat e tyre. "Ne jemi skeptikë", tha ai.
