Dakord, ky ndoshta është konfirmimi që fansat kanë pritur gjithë këtë kohë: Tom Cruise dhe Ana de Armas duket se s’po e fshehin më romancën. Të kapur për dore, duke shëtitur të buzëqeshur, një fundjavë larg gjithkujt tjetër, gjithçka të bën të thuash se po, janë vërtet çift!
Dyshja kaluan një fundjavë të qetë në Vermont, pak ditë pasi u panë në një koncert të Oasis në Londër. U panë në Woodstock, një qytet i vogël e piktoresk që duket fiks si i dalë nga një film romantik.
Tom dhe Ana bënë të gjitha gjërat që çiftet bëjnë në një "arratisje fundjave": një xhiro në park kombëtar, shopping dhe një ndalesë të ëmbël për akullore. Por pjesa më ikonike? Kapja për dore në mes të qendrës së qytetit, të buzëqeshur dhe shumë afër njëri-tjetrit.
Për një aktor që është zakonisht super privat kur vjen puna te jeta sentimentale (po flasim për dikë që s’ka dalë publikisht me asnjë që pas ndarjes me Katie Holmes në 2012), ky moment është shumë më tepër se thjesht një shëtitje.
A është ky konfirmimi zyrtar?
Thashethemet kanë qarkulluar për muaj të tërë, dyshja janë parë në Paris, në set, në darka, por kjo është hera e parë që kemi pamje kaq të qarta. Kapur dorë për dore mes natyrës dhe një xhiro për të blerë akullore? Më çift se kaq s’kanë ku të shkojnë.
Burimi: TMZ
