Ndërsa ju mund të mendoni se emrat unikë të foshnjave janë për shkak të globalizimit dhe ndikimit të kulturës pop (si për shembull shfaqjet televizive), një studim i ri sugjeron se në fakt kjo mund të jetë e lidhur me diçka shumë më pak emocionuese: ekonominë.

Psikologët kohët e fundit studiuan arsyet pse prindërit zgjodhën disa emra foshnjash dhe zbuluan se dëshira për t'u dalluar rritet në kohë të vështira. Kjo përputhet kur shihet ekonomia - emrat e pazakontë të foshnjave u rritën gjatë periudhave të krizës financiare.

Në një studim në SHBA, midis 2004 dhe 2006, 66% e djemve dhe 76% e vajzave kishin një emër që nuk ishte një nga 50 emrat më të zakonshëm të asaj periudhe. Por këto shifra patën rritje në 2011-2015, ku 72% e djemve dhe 79% e vajzave kishin emra që nuk ishin në top 50 më të njohurit.

Autorët e studimit, të publikuar në Journal of Applied Social Psychology, zbuluan se motivet e prindërve ndryshonin në varësi të klimës ekonomike. Prindërit kishin "më pak gjasa t'u vendosnin fëmijëve të tyre emra të zakonshëm gjatë viteve të Recesionit të Madh në krahasim me vitet menjëherë para tij", shkruanin ata.

Ideja pas kësaj është se një emër unik mund ta ndihmojë fëmijën të dallohet në një mjedis konkurrues.

Është interesante që studiuesi Jean Twenge i tha TIME se dikur kishte një 'hendek gjinor' të emrave të foshnjës kur ishte fjala për këtë prirje. Por gjërat po ndryshojnë.

 “Djemtë kanë akoma më shumë gjasa të kenë një emër të përbashkët sesa vajzat”, thotë Twenge. "Por prindërit tani janë më të gatshëm t'u vënë edhe djemve emra unikë."

Duke parë ç’po ndodh këto kohë, duket se do të vazhdojmë të shohim emra të rinj unikë në të ardhmen!

Burimi: Marie Claire