Me pranverën pranë, është koha e duhur për të freskuar dhomat e gjumit për t’iu përshtatur stinës ngadalë-ngadalë. Dhe mos jini skeptikë: nuk është e nevojshme të bëni ndonjë gjë të jashtëzakonshme!
Besojeni ose jo, ambienti që na rrethon ndikon tërësisht dhe mënyrën sesi ndihemi. Tani që rrezet e diellit tregohen më bujare, nuk keni ndër mend të mbani të njëjtat perde të trasha dimri në shtëpi apo jo? Ja 7 mënyra se si të “freskoni” dhomën e gjumit (dhe jo vetëm) ashtu siç e kërkon vetë stina e pranverës:
Hapni dritaret
Më në fund është ajo kohë e vitit ku mund të lëmë pak ajër të pastër dhe diell brenda! Jepini dritareve dhe televizorit një pastrim të shpejtë nëse doni ta bëni këtë punë tamam, në mënyrë që të shijoni plotësisht punën e natyrës në këtë periudhë magjike të vitit.
Sillni disa degë lulesh brenda
Asgjë nuk thotë pranverë si lulet e freskëta të shkëputura nga kopshti. Dhe mos e bëni këtë me buqetat e dyqaneve - ato janë shumë më të ndenjura sesa lulet që këput nga kopshti yt (apo i dikujt tjetër ;) )! Vendosni disa degë në disa vazo me ujë të freskët dhe shpërndajini nëpër komodinat e dhomave të gjumit në shtëpinë tuaj.
Ndërroni çarçafët
Një set i freskët çarçafësh tingëllon si diçka së cilës askush s’do i thoshte jo. Dhe me të “freskët” e kemi fjalën dhe për një blerje të re të setit, apo një ngjyrë më të hapur të tyre. Zgjidhni ngjyrat e bardha, të qumështit apo të verdha, e sigurt që do të sjellin më shumë gëzim.
Përfshini ngjyra pranverore
Një nga mënyrat më të lehta për të "përmirësuar" dhomën tuaj të gjumit është duke ndërruar prekjet dekorative si jastëkët, llambat apo edhe abazhurët. Blini aksesorë në versione me ngjyra të lehta dhe “të pastra”.
Rilyeni muret
Një shtresë e freskët boje bën mrekulli. Lyerja ose vendosja e një letre muri do e bëjë dhomën tuaj të duket e re fringo.
Riorganizoni mobiljet
Në shumë dhoma gjumi, mobiljet që zgjidhni duhet të kenë kuptim për shtratin. Shfrytëzojeni këtë mundësi për të bërë gjithashtu një pastrim të thellë nën të gjitha ato zona që s’keni prekur prej kohësh! Zgjidhni komodina të vogla pranë shtratit dhe hiqni ato që nuk ju hyjnë në punë për ndonjë gjë, nuk doni të zini kot hapësirë!
Ndryshoni tapetët/rrugicat
Nuk është e nevojshme të bëni shpenzime marramendëse për të bërë një ndikim të madh. Dhe një qilim i ri bën një ndryshim të madh, si një me vija dhe ngjyra që duket shumë i këndshëm për shembull.
Artikuj të sugjeruar:
Burimi: Country Living
