Në mesin e një debati të gjerë mbi median në Shqipëri dhe zhvillimin e saj, gazetari Blendi Fevziu rrëfen qëndrimin e tij në një intervistë për gazetën "Tema". Ai foli rreth shkarkimeve të fundit në ABC, marrëdhëniet që ka me dy nga liderët politikë më të rëndësishëm në Shqipëri, si dhe për lirinë që gëzon në televizionin ku punon prej vitesh.
“Ka kohë që kam vendosur që Opinionin, ose prezencën time mediatike, ta ndaloj atë ditë që s’do kem më pasionin për ta bërë punën që bëj. Ose atë ditë që do cënojë lirinë time personale. Në atë perceptim që unë kam për lirinë. Shpesh liria është më e rëndësishme se shumë gjëra të tjera. Unë nuk besoj se njerëzit e zotë humbasin një herë e mirë. Ca gjëra ulen, ca të tjera ngrihen, por nevoja për të qenë i lirë është e përhershme. Edhe pse për fat të keq, ata që ta kufizojnë atë, nuk është se e kuptojnë përmasën e saj. Për momentin shkoj ende me shumë pasion në punë dhe ndihem i lirë. Përveç kësaj, kam një staf të mrekullueshëm. Nuk jam vartës në Opinion, por pjesë e tij”, është shprehur moderatori dhe gazetari i njohur.
