"Sa bukur dukesh sot! Make up-i bën magji tek të gjithë ëë!" Shembulli konkret i një komplimenti skandaloz që mund të të fyejë brenda sekondash. Çfarë do të thotë kjo? Që vetëm falë grimit personi përballë jush duket bukur? Pavarësisht qëllimit të mirë që mund të keni, duhet të tregoni shumë kujdes me fjalët që zgjidhni. Eshtë një detaj i vogël që e kthen komplimentin në ofezë prandaj studiojini me kujdes çfarë shkruhet më poshtë dhe mos i thoni kurrë. S'do të bëni askënd të lumtur.
#1. Hej ti dukesh mrekulli për moshën që ke!
Sapo i the dikujt që duket mirë, pavarësisht se është "i/e vjetër". Nuk është kompliment është ngushëllim i panevojshëm.
#2. Sa foto e bukur kjo! S'duket fare sikur je ti!
Që do të thotë se fotoja është e bukur vetëm se s'duket si ai/ajo?
#3. Sa bukur i ke prerë flokët! Fytyra të duket më e hollë me këtë prerje."
Për disa njerëz ky mund të jetë një kompliment sepse besojë se një fytyrë më e hollë është më tërheqëse, ndërsa të tjerë mund të ndihen keq. Mund ta lini komplimentin vetëm me pjesën e parë të fjalisë. S'ka nevojë për shtesa të tjera.
#4. Urime për diplomën, s'ma merrte mendja që do t'ja dilje?
Absolutisht ky nuk është një kompliment!
#5. Kjo bluza duket më bukur tek ty se mua më rri shumë e madhe
Ndoshta ky është një fakt, por duke qenë se krahasimi i përmasave shpesh merr konotacion negativ, mund personi mund të mendojë se është i qëllimshëm. Mos e bëni!
#6. Sikur të isha dhe unë kaq i pasur sa ty do ta kisha më të thjeshtë!
Jeni duke fyer nëse flisni në këtë mënyrë pasi po nënvlerësoni vlerat e dikujt duke i përmendur vetëm statusin ekonomik.
#7. Sa i bukur është bebi yt! S'të ngjaka fare!
Se i bere qejfin për bebushen, s'do të thotë ta mërzisësh duke i thënë të tilla gjëra të panevojshme. Aq më tepër një nëne të re!
#8. Sa king është i dashuri jot! Si ja dole moj që e bëre për vete?
Nëse tregohen kaq pa takt dhe ju thonë diçka si kjo, buzëqeshni dhe lëreni të mendojë se vërtet ke metodat e tua,që i sheh vetëm ai!
