Që Lenny Kravitz ka një super stil kjo dihet, por ne s’e prisnim që shtëpia e tij të ishte kaq fantastike dhe unike! Ai jeton në një vilë madhështore, e cila më parë i përkiste konteshës Anne d’Ornano, është e gjelbëruar dhe kaq e bukur. Më tej, kontesha zgjodhi ta shiste, pasi i pëlqente të jetonte në një tjetër pronë. Fati (dhe agjenti imobilar) e deshi që shtëpinë ta blinte pikërisht ylli i muzikës.
Tani, le t’i hedhim një sy shtëpisë!
Nisim me fasadën e kopshtit, e cila duket thjesht perfekte. Libër, një filxhan çaj, një qen që fle i qetë, ah, parajsë!
Dhoma e ndenjes është arreduar me vepra arti si: Divani nga Milo Baughman; karriget rrethore nga Kravitz Design; një tjetër karrige nga Studio Glustin dhe tavolina e krijuar në vitin 1970 nga Ado Chale.
Në korridor, pa shkuar ende te shkallët ndodhet kjo kryevepër brutaliste, e krijuar nga Paul Evans, në vitin 1970.
Këtu jemi (virtualisht domosdo) në suitën kryesore, ku gjendet një pasqyrë nga koha e Louis-it XVI dhe një llambadar Baccarat. Po, është kaq e pasur sa duket.
Kush ka një karrige të krijuar nga vetë Philippe Hiquily rreth vitit 1975 dhe një tavolinë nga Angelo Mangiarotti në këndin e një tualeti për miq? Po pra, Lenny! Na fto të vizitojmë shtëpinë, aman!
Dhe ky është tualeti kryesor!
Vijojmë me bibliotekën, e cila është një kryevepër! Po të jetoja në këtë vilë, nuk do më takonte kurrë askush! Domethënë, do kthehesha në një vampir. E kam shumë seriozisht!
Dhoma e ngrënies është gjithashtu një vepër që meriton të jetë (e gjitha siç e shihni në foto) në muzeun e Luvrit! Me karriget “Africa” të krijuara nga Afra & Tobia Scarpa, si dhe llambadarin e Baccarat-it, nuk do haja fare, thjesht do shihja përreth.
Një tjetër hapësirë që do të të mahniste? Ja ku e ke!
Një qilar i arreduar me shumë vepra arti, që nga piktura bashkëkohore ruse, deri te pasqyra e shekullit XVIII.
Zonja dhe zotërinj, një tjetër suitë!
Dhe ja ku mbërrijmë në kopsht, ku gjendet një skulpturë e gdhendur nga fisi Mumuye në Nigeri. Krejt normale për Lenny-n...
Artikuj të sugjeruar:
