E keni menduar ndonjëherë se ç’do të ishit në gjëndje të bënit për idhujt tuaj ? Nëse s’keni asnjë ide, me shumë gjasa Flori Mumajesi ju ka frymëzuar me videon e postuar pak orë më parë në Instastory-n e tij.
Një fanse e tij (ndoshta më e zjarrta), zgjodhi të ketë zërin e Florit si tatuazh në shpinën e saj.
“Të shohësh interpretimin tënd tatuazh në trup. Sound wave i cover-it “Të dua””.- shkruan Flori ndërkohë që ne shohim tatuazhin...”
Ndonëse versioni origjinal i këngës është kënduar nga Aurela Gaçe, duket se vajza është apasionuar kaq shumë pas melodisë që lëshon zëri i Florit dhe zgjodhi ta ketë përgjithmonë në trup një pjesë të cover-it.
Për ata që nuk e dinin, tatuazhet soundwave janë gati gati si hile magjike. Ti mund të regjistrosh një këngë, një thënie apo në deklaratë të fuqishme dashurie dhe pastaj e vizaton mbi trupin tënd. Më vonë, sa herë që do ta dëgjosh, ti “skanon” tatuazhin duke përdorur smartphone-in dhe ky program e përkthen nga soundwave në audio, njësoj si në shembullin më poshtë.
