Virgjëreshat me siguri janë tronditur shumë gjatë kësaj jave pasi mësuan që nuk kanë asnjë shans për të punuar me J.Lo. Kjo e fundit, mund të të skualifikojë nga një pozicion pune vetëm nëse meson që shenja jote e horoskopit është Virgjëreshë. Gjithsesi, a ka gjasa të humbasim një vend pune vetëm prej shenjës së horoskopit?

Të përdorësh shenjën e zodiakut të dikujt për të marrë vendime duket shumë tendencioze dhe në fund të ditës është e gabuar. 

Një studim i vitit 2020 zbuloi se pjesëmarrësit e eksperimentit të bërë në Kinë, (duke përfshirë një grup të përbërë nga profesionistë të burimeve njerëzore), ishin më pak të gatshëm të punësonin kandidatët në CV-të e të cilëve tregonin se i përkisnin shenjës së Virgjëreshës. Kjo për shkak të tipareve të perceptuara si të pakëndshme të tyre.

Madje, në Kinë një pjesë e mirë njerëzish qëllimisht i shmangin Virgjëreshat (ata të lindurit mes 23 gushtit dhe 22 shtatorit), si partnerë, si punonjës, miq, etj- vetëm sepse perceptohen (pa të drejtë) si kritikues, të besdisshëm, të fiksuar pas pastërtisë, etj.

Kur ekipi i studimit bëri një studim krahasues mbi stereotipet astrologjike me pjesëmarrësit në SHBA, ata zbuluan se, në përgjithësi, amerikanët binin më pak dakord se homologët e tyre kinezë, se njohja e shenjës astrologjike të dikujt duhet të ndikojë tek vendi i ri i punës.

Në përfundim të eksperimentit, atje rezultoi se ishin Gaforret ato që shiheshin më negativisht nga shumica e njerëzve. Gjithsesi, shenjat e horoskopit janë temë interesante për t'u diskutuar dhe argëtuar në kohë të lirë, por kurrsesi nuk mund të të përfaqësojnë 100% e aq më pak të humbasësh punën prej saj. 

Shenjat e zodiakut nuk parashikojnë as performancën në punë dhe as efektivitetin tonë atje, por ndonëse njerëzit e dinë këtë shumë profesionistë në karrierë konsultohen me astrologë para se të punësojnë dikë apo para se të marrin hapa të rëndësishme në punën e tyre.

Burimi: Huffington Post