Çdo vit përjetojmë periudha kur jeta ndryshon shpejt dhe ndonjëherë në mënyra krejtësisht të papritura. Eklipset, qofshin diellore apo hënore, ndodhin disa herë në vit dhe ndikojnë ndjeshëm në rrjedhën e jetës, në varësi të vendit ku shfaqen në qiell.

Energjia e eklipsit fillon të ndihet rreth një muaj përpara eklipsit të parë dhe vazhdon një muaj pas të fundit, prandaj stuhinë që po afrohet e keni ndier që nga 17 janari. Këtë javë vjen një eklips diellor në Ujor dhe, megjithëse sjell fillime të mëdha e hap dyer të reja, kërkon edhe kujdes. Ky eklips mund të trondisë situata në jetën tuaj dhe në botë, duke sjellë lajme apo ngjarje të papritura.

Më 18 shkurt, Dielli hyn në shenjën e Peshqve, prandaj në muajin në vijim do të jemi më emocionalë dhe më të ndjeshëm.

Sa i përket motit kozmik, 16 shkurti është ditë për të qëndruar të qetë. Aksidentet dhe shpërthimet emocionale mund të ndodhin. Më 20 shkurt formohet një lidhje e fuqishme planetare, ndikimin e së cilës mund ta keni ndier prej muajsh dhe që do të vazhdojë të ndikojë edhe më tej.

Saturni, planeti sundues i karmës, bashkohet me Neptunin, sunduesin e ëndrrave. Për shkak të kësaj energjie, disa njerëz do të ndihen më realistë ose të zhgënjyer kur kuptojnë se disa dëshira nuk arrihen. Të tjerë, që kanë sakrifikuar shumë, më në fund mund të arrijnë diçka që ua ndryshon jetën përgjithmonë.

Urojmë që yjet të jenë në anën tuaj.

Dashi

Një javë shumë e rëndësishme po vjen, Dash. Ju mund të keni fat, sidomos lidhur me miqësitë dhe rrethin shoqëror, mund të afroheni me një mik ose të njihni shpirtin binjak. Po ashtu, duket sikur një mundësi e madhe është shumë pranë jush. Megjithatë, kujdes me financat, nuk është koha e duhur për të dhënë borxhe.

Demi

Fati po ju thërret në karrierë. Mund të merrni lajme mbi një rritje në detyrë, ofertë pune ose vlerësim të rëndësishëm. Nëse kjo nuk ndodh, mund të kuptoni se duhet të ndryshoni drejtimin në karrierë. Kjo është periudha e duhur për të qenë krijues.

Binjakët

Po hyni në një fazë vendimtare ndryshimesh, Binjakë. Mund të eksploroni drejtime të reja për të përjetuar më shumë nga jeta, qoftë përmes studimit, grupeve shoqërore ose udhëtimeve. Kjo është koha të dilni nga zona e rehatisë dhe të jeni të guximshëm.

Gaforrja

Ndryshime financiare të papritura priten të ndodhin. Mund të përfitoni një bonus, bursë, trashëgimi ose të merrni një pagesë, por kujdes, pasi mund të mos jetë aq shumë sa ç’kishit shpresuar. Një mik mund të kërkojë ndihmë ose mund të hasni pengesa në realizimin e një dëshire.

Luani

Një nga periudhat më të rëndësishme të dekadës për marrëdhëniet po vjen, Luan. Mund të jetë një bashkëjetesë, fejesë, kontratë, premtim afatgjatë ose martesë. Por, nëse nuk ndiheni gati, mund të shfaqen vështirësi. Kujdes me karrierën gjatë kësaj periudhe.

Virgjëresha

Universi ju inkurajon të ndryshoni rutinën. Përgjegjësitë, puna dhe projektet mund të kërkojnë përpjekje të reja ose përshtatje. Disa sfida mund të shfaqen, madje edhe në lidhje me çështjet ligjore.

Peshorja

Lëreni zemrën tuaj të ndriçojë, Peshore. Universi ju ofron pasion dhe romancë. Beqarët mund të takojnë dikë të veçantë, me të cilin mund të bien në dashuri. Nëse jeni prind, vëmendja mund të jetë më së shumti te fëmijët. Por mos harroni: lumturia juaj vjen përpara gjithçkaje.

Akrepi

Një javë emocionuese po vjen, Akrep. Ndryshime në jetën personale dhe familjare mund të ndodhin, si zhvendosje ose gjetja e vendit të duhur për të banuar. Sigurohuni që partneri/ja juaj të ketë të njëjtat qëllime me ju.

Shigjetari

Kjo javë ju shtyn drejt aventurave, Shigjetar. Mund t’ju krijohet një mundësi për të komunikuar, mësuar dhe udhëtuar. Kujdes me shëndetin dhe punën, pasi diçka e papritur mund të ndodhë.

Bricjapi

Mundësi për të ardhura më të mëdha, si rritje rroge, dhuratë ose ofertë pune, janë shumë pranë jush, Bricjap. Çështjet financiare gjithmonë kanë qenë një forcë për ju. Tregohuni të zgjuar në përdorimin e këtyre mundësive.

Ujori

Një nga javët më të rëndësishme të dekadës po vjen për ju, Ujor. Fati është më shumë se kurrë në anën tuaj dhe kjo është koha për të filluar një aventurë të re ose për të përqafuar një version të ri të vetes. Nuk jeni më të kufizuar.

Peshqit

Gjatë viteve të fundit keni përjetuar shumë zhvillime, Peshq. Pas një periudhe intensive, nis një kapitull i ri për ju. Kjo është koha ideale për të menduar përtej kornizave, gjithmonë me krijimtari dhe intuitë.