Një video e publikuar së fundmi tmerroi padyshim prindërit që përballen çdo ditë me fëmijët që kontrollojnë gjithë shtëpinë sa andej-këtej. Aty dallohen dy vogëlushe rreth 3 vjeç që luajnë në shtëpi, ndërkohë që e ëma merret me punët e përditshme.
Siç mund ta kuptoni edhe nga videoja e mëposhtme, njëri prej tyre luan me sirtarët e komodinës. Pasi e tërheq, komodina rrëzohet dhe për pak sa nuk i shkakton dëme.
Por nëse do të kishte ndodhur e kundërta, padyshim që për një fëmijë të vogël, dëmtimet do të ishin serioze; goditje në kokë, thyerje e ndonjë kocke, dëmtim të fytyrës etj.
Lind pyetja se çfarë duhet të bëjë një prind në një rast të tillë, që të themi të drejtën rreziku është i pashmangshëm. Siç mund ta shihni edhe në video, sirtarët mbajnë sende të lehta për aq kohë sa vogëlushi i tërheq me lehtësi. Prandaj më mirë vendosni sende të mëdha dhe të rënda në mënyrë që lëvizja të jetë e pamundur për forcën e një 3-vjeçari.
Ideale do të ishte gjithashtu që komodinën ta vendosni në ambjente që s’përbëjnë interes për fëmijët. Një komodinë në dhomën e ndjenjes, ku ata kalojnë pothuajse gjithë kohën duke luajtur, është thikë me dy presa. Në dhoma të tilla mund të mbani objekte që shkojnë në gjatësinë e fëmijës; ato nuk janë të rrezikshme.
Për të qenë më të sigurt, për gjithë rastet kur komodina të tilla nuk keni se ku i “zhdukni”, mund edhe t’i fiksoni pas murit me ngjitës të posaçëm për të shmangur lëvizjen.
Copyright Anabel.al / Ndalohet ribotimi pa lejen e redaksisë.
