Ajo na dha sërish provën se është e pathyeshme, pavarësisht problemeve shëndetësore që e mbajtën larg skenës prej disa kohësh, por edhe moshës, pasi diva i ka fryrë tashmë 65 qirinj në tortën e ditëlindjes.

Londra ishte vendi që mbretëresha e popit zgjodhi për nisjen e turneut “The Celebration” për të mos i zhgënjyer fansat që e admirojnë prej dekadash. Në arenën historike të Londrës ku kanë interpretuar shumë yje të tjerë të muzikës, dritat e diskotekave dhe skena e frymëzuar nga lagjet e Manhatanit sollën një performancë unike të artistes legjendare.

Dy orë spektakël dhe muzikë mes brohorimave dhe admirimit të publikut, Madonna i ktheu pas në vite fansat përmes hiteve që kanë bërë histori, si “Like a Prayer”, “Vogue”, “Erotica” dhe shumë këngë të tjera.

E gjithë magjia artistike u ndërthur bukur edhe me veshjet e përzgjedhura në skenë, nga jumpsuitet e guximshme, te velloja e nuses apo veshjet e lëkurës. Ja gjashtë veshjet më të mira që spikatën në turnen e rikthimit në skenë të Madonnës.

1.Jumpsuit lëkurë me efekt pasqyrë - Dora e Donatella Versace-s ka krijuar këtë jumpsuit të zi, prej materiali lëkurë dhe me efekt pasqyrë në të.

2. Fustan i brendshëm mëndafshi, me ngjyrë të kuqe dhe detaje dantelle të zezë, plus një vello që mbulon këngëtaren dhe dy balerinët e saj.

3. Ajo martohet, me një vello të bardhë teksa performon në një skenë rrethore.

4. Një kimono e zezë si mishërim mes të shenjtës, e simbolizuar edhe me një kurorë në kokë.

5. Portret familjar për Madonna-n. Ajo del në skenë me një fustan të zi dhe gurë, ndërsa iu bashkuan në performancë edhe dy vajzat e saj.

6. Pantallona të shkurtra dhe një e brendshme gurëkali e mbuluar me dantellë të zezë, zgjedhje tipike për sensualitetin skenik të Madonnës.

Burimi: Harper’s Bazaar