Unë quhem Xhon dhe jam në lidhje me dikë të varur nga telefoni. Shpeshherë ndihem keq, sepse ajo do marrë telefonin dhe do të lundrojë nëpër Instagram e TikTok, teksa ne jemi duke folur. Personalisht, besoj se mënyra më e mirë për të mposhtur një varësi është që së pari ta kuptojmë atë. 'Pëlqimet' në postimet e rrjeteve sociale shkaktojnë përgjigje dopamine që sjellin një ndjenjë gëzimi.
E dashura e Xhon:
"Pasi të dy ishim lodhur nga përdorimi i shpeshtë i telefonit, i dashuri im më sugjeroi diçka. Ne vendosëm që sa herë që jemi duke bërë të njëjtën gjë bashkë, telefonat të hiqen. Kjo vlen për të gjitha herët kur shohim filma, bisedojmë apo hamë darkë. Sigurisht, mund t'i përgjigjemi dikujt shpejt e shpejt apo të hapim telefonin nëse na telefonojnë të afërm, por jo të rrimë me orë të tëra ulur, duke parë celularin. Këtë po përpiqemi ta bëjmë sa më shpesh gjatë javës dhe ta aplikojmë më strikte gjatë të premtes, mbrëmjen e së cilës ia dedikojmë vetëm njëri-tjetrit.
Rezultatet?
Po kalojmë më shumë kohë së bashku dhe më përpara, s'e paskemi kuptuar që kishim qenë bashkë fizikisht, por jo në vërtetë. Për më tepër, kemi filluar që ta shfrytëzojmë edhe më mirë kohën. Lëvizim më shumë, bëjmë udhëtime të shkurtra dhe më e rëndësishmja, jemi më të pranishëm me njëri-tjetrin.
Komunikojmë më mirë dhe jemi më përqendruar më shumë në nevojat e njëri-tjetrit. Sigurisht, kjo s'do të thotë që ne nuk përdorim më aspak telefonat dhe tani jemi non-stop bashkë, por kemi arritur një balancë thuajse perfekte.
