Foto: Womany

Të gjithë e dinë që prezervativët parandalojnë shtatzëninë dhe infeksionet seksualisht të transmetueshme. Por ajo që shumë njerëz (vajza sidomos) mund të mos e dinë është si të bisedojnë me partnerin për mbrojtjen, veçanërisht nëse ai është kundër përdorimit të prezervativit. Këtu janë disa përgjigje që mund të përdorni nëse partneri juaj nuk dëshiron të përdorë prezervativ.

Tingëllojnë qesharake, e dimë, por nuk thoni dot që s'jeni ndodhur të paktën në një prej këtyre situatave:

Ai thotë: “Nuk më bën.”

Ti i thuaj: “Një prezervativ mund të na nxërë dhe ne të dyve bashkë brenda, kështu që mos u shqetëso, do të të bëjë.”

Është e vërtetë! Prezervativët janë fleksibël dhe mund të përshtaten për penise të të gjitha madhësive. :)

Ai thotë: “Seksi është më i mirë pa prezervativ.”

Ti i thuaj: “Mund të ndihet më mirë tani, por do të jetë tepër vonë nëse merr ndonjë infeksion seksualisht të transmetueshëm.”

Të keni mundësinë e të bërit seks pa u shqetësuar për përhapjen e infeksioneve ju lejon të përqendroheni te partneri dhe të shijoni momentin.

Ai thotë: “Nuk di si ta vendos.”

Ti i thuaj: “Le të mësojmë së bashku.”

Të punoni bashkë për të vendosur prezervativin në mënyrën e duhur bën që të dy të ndiheni përgjegjës dhe heq presionin nga njëri partner që të kujdeset për shëndetin seksual të të dyve.

Ai thotë: “Ti merr kontraceptivë, të dy jemi të shëndetshëm, kështu që nuk na duhet.”

Ti i thuaj: “Kontraceptivi nuk mbron nga infeksionet seksualisht të transmetueshme! Shumë njerëz me infeksione nuk shfaqin simptoma, kështu që edhe nëse mendojmë se jemi të shëndetshëm, duhet të testohemi dhe të vazhdojmë përdorimin e mbrojtjes. Disa infeksione, si sifilisi, mund të shfaqen shumë vonë, kështu që mund ta kesh marrë nga një partnere paraardhëse gjithsesi.”

Është e vërtetë! 70% e njerëzve me një infeksion nuk shfaqin simptoma, dhe sifilisi mund të shfaqet deri në 20 vjet më vonë! Monogamia nuk garanton mbrojtje, pasi besnikëria dhe dinamika të ndryshme të marrëdhënieve nuk e eliminojnë rrezikun e infeksioneve.

Ai thotë: “Nuk më ka ndodhur ky problem me partneret e mëparshme.”

Ti i thuaj: “Unë nuk jam partneret e mëparshme. Unë e shoh mbrojtjen si një mënyrë për të më respektuar dhe për të hequr presionin e shqetësimin nga infeksionet apo shtatzënia e padëshiruar.”

Të krahasosh situatën e tanishme me partneret e mëparshme nuk është e drejtë. E shkuara ka kaluar, çdo marrëdhënie është unike. Nëse doni të përdorni prezervativ, thjesht shpjegoni se kështu funksiononi ju, dhe kjo është mënyra që partneri duhet ta pranojë.

Ai thotë: “Më parë nuk përdornim prezervativ, pse duhet të përdodrim tani?”

Ti i thuaj: “Ndryshova mendim dhe dua të filloj tani. Është në rregull të ndryshosh mendje!”

Të jeni të informuar për shëndetin tuaj seksual është pjesë e kujdesit për mirëqenien tuaj. Është gjithmonë në rregull të ndryshosh mendje dhe të marrësh vendimin më të mirë me informacionin që ke.

Nëse pas kësaj bisede partneri ende nuk respekton vendimet ose kufijtë tuaj, bëjeni të qartë që nuk do të bëni seks pa prezervativ. Nëse dikush ju kërcënon ose thotë se më mirë të ndaheni në vend që të përdorë prezervativ, ai nuk është një partner që mund t'ju respektojë juve ose veten. “Jo” do të thotë “Jo”.