Qeni u qëllua nga policia e qytetit të Duncan të Oklahomas, në oborrin e shtëpisë. Vogëlushja 3- vjeçare Rylee Marie është sulmuar për vdekje nga një qen pitbull, të cilin i ati ja kishte bërë dhuraë vetëm disa ditë më parë. Rylee Marie Dodge ishte në shtëpi dhe për të po kujdesej gjyshja e saj. Baba i vogëlushes mori një telefonatë nga e ëma, e cila i tha vetëm kaq : “Vajza jote dhe qeni”.
Kur Jason Dodge kishte arritur në shtëpi kishte gjetur vajzën në shtrat me plagë të rënda e ndërsa gjyshja ishte duke e mbajtur qenin me forcë. Vajza u dërgua menjëherë në spital nga i ati, por nuk arriti t’i mbijetonte plagëve në kokë dhe qafë.
Jason tha se me qenin nuk kishte pasur ndonjë incident më parë dhe se me të luante edhe djali i tij i vogël.
Babai i 3-vjeçares ka shkruar në Facebook:
"Më mungon shumë Rylee Marie Dodge. Më vjen shumë keq që kjo të ndodhi ty zemra ime e vogël. E di që të kam thënë që nuk do lejoj të të ndodhë asgjë dhe nuk ja dola. Do të të dua gjithmonë, një premtim që do ta mbaj. Më mungon e vogla ime, je gjithçka imja. Babi do donte që ti të ishe këtu. Nuk e di si do ja bëj pa buzëqeshjen tënde, pa të puthur e përqafuar. Të dua. U prehsh në paqe Rylee Marie."
Burimi :The Sun
