Producenti muzikor Timbaland, një bashkëpunëtor i hershëm i Justin Timberlake, ka kërkuar falje pasi tha që Justin duhet t’i mbyllë gojën Britney Spears, e cila së fundmi publikoi një libër me kujtime ku ndër të tjera flet për marrëdhënien me Timberlake.
Timbaland ishte i ftuar me producentin 9th Wonder në një event në Washington, kur një i pranishëm në sallë e pyeti për librin e Britney-t. “Ajo po çmendet, apo jo? Doja të telefonoja [Justin Timberlake] për t’i thënë, ‘Or burrë, duhet t’i mbyllësh gojën asaj vajze.’”
Timbaland u duk sikur foli me shaka, por komentet e tij u konsideruan si “poshtëruese” nga fansat e Britney-t.
“Ne jetojmë në epokën e rrjeteve sociale dhe të gjithë duan të bëhen virale,” tha ai. “E kuptoj sepse në këtë mënyrë fitoni para, bëheni viralë – bëni gjëra për të tërhequr vëmendjen e njerëzve.”
Gjatë një videoje live në TikTok, ai u kërkoi falje fansave të Britney-t dhe asaj.
Në librin me kujtime, “The woman in me”, Britney Spears shkruan gjerësisht për marrëdhënien e saj me Justin Timberlake në vitet 1999-2002 dhe ndalet te detaje të dhimbshme, si tradhtia apo aborti.
- Pas librit të Britney-t, ku fliste për abortin dhe tradhtitë, Justin Timberlake ka marrë këtë vendim
- Britney Spears e pranon se e ka tradhtuar Justin Timberlake me një koreograf
- Njerëzit analizojnë detajet: 20 vjet më parë, Britney foli për abortin në këngën e famshme
- Britney Spears thotë se në fakt, ishte Justin Timberlake ai që e tradhtoi me një V.I.P
- Britney tregon që abortoi sepse Justin nuk donte të bëhej baba: 'Një nga gjërat më të dhimbshme'
