Që nga e diela, 19 janar, “TikTok” pritet të pezullohet në SHBA për shkak të një vendimi federal që hyn në fuqi. Ligji kërkon që kompania mëmë “ByteDance” të shesë asetet e saj në SHBA ose thjesht të ndërpresë veprimtarinë.
Përdoruesit e rinj nuk do të mund të shkarkojnë aplikacionin, ndërsa përdoruesit ekzistues do të kenë akses të kufizuar, me ndërprerje graduale të shërbimeve. Ndalimi parashikon që përdoruesit e rinj nuk do të mund ta shkarkojnë aplikacionin nga dyqanet online të Apple ose Google. Përdoruesit ekzistues do të ruajnë përkohësisht aksesin, por shërbimet do të pakësohen dhe përfundimisht do të ndërpriten.
“TikTok” ka apeluar në Gjykatën e Lartë të SHBA, duke kërkuar të ndalojë bllokimin e platformës. Megjithatë, gjyqtarët duket se nuk duan të pezullojnë ligjin, duke përmendur shqetësimet e sigurisë kombëtare. Për më tepër, sipas “The Information”, duke filluar nga 19 janari, përdoruesit që përpiqen të hapin aplikacionin do të shohin një mesazh që i drejton ata në faqen e internetit me informacione rreth ndalimit. Ata gjithashtu do të jenë në gjendje të shkarkojnë të dhënat e tyre dhe informacionin personal.
Autoritetet amerikane citojnë shqetësime për sigurinë kombëtare, me “TikTok” që u përgjigj se ligji shkel lirinë kushtetuese të fjalës. Përdoruesit do të informohen përmes një platforme të posaçme për statusin dhe mundësinë e shkarkimit të të dhënave të tyre ndërsa siç dihet punonjësit do të vazhdojnë të marrin pagat. Kompania ka 7,000 punonjës në SHBA, ndërsa përdoruesit - tashmë kanë gjetur aplikacionin tjetër.
Aplikacioni që po zëvendëson “TikTok” në SHBA
Aplikacioni kinez “Xiaohongshu”, i njohur si "Instagrami i Kinës", ka përjetuar një bum në SHBA ditët e fundit pasi gjithnjë e më shumë njerëz po e shkarkojnë si një zëvendësues të platformës që po mbyllet.
I themeluar në vitin 2013 nga Charlëin Mao Ëenchao dhe Miranda Qu Fang si një udhëzues blerjesh për turistët kinezë, Xiaohongshu tani numëron rreth 300 milionë përdorues aktivë mujorë. Kompania, emri i së cilës fjalë për fjalë do të thotë "libër i vogël i kuq", filloi si një arkivë apo dokumentim i fotografive të udhëtimit përpara se të merrte këto përmasa.
Mesa duket, përdoruesit e rinj po përpiqen të “zhvendosin” algoritmin dhe përmbajtjen e “TikTok” në këtë platformë.
Artikuj të sugjeruar:
