Identifikohet i dyshuari për vrasjen e Charlie Kirk
Një djalë 22 vjeç, i quajtur Tyler Robinson, është identifikuar si i dyshuari kryesor në vrasjen e aktivistit Charlie Kirk. Presidenti Donald Trump njoftoi arrestimin e tij në një deklaratë të beftë për Fox News, duke shtuar se do të jepen të tjera detaje për rastin.
Sipas të dhënave që e ëma e tij, Amber, kishte publikuar në rrjetet sociale, Tyler ishte një nxënës i shkëlqyer, i cili kishte marrë bursë kombëtare për të ndjekur studimet e tij në degën e kontabilitetit.
Dyshohet se pas vrasjes, Tyler shkoi në shtëpinë e tij në Utah, ku edhe u arrestua.
Niko Peleshi shpallet kryetar i Kuvendit
Votimi për zgjedhjen e kryetarit të ri të Kuvendit vendosi që Niko Peleshi të vihet në krye. Ao mori mbështetjen e shumicës parlamentare, me 84 vota pro dhe 3 kundër.
Në procesin e votimit ishin prezentë të gjithë deputetët e legjislaturës së re, ndërsa opozita zgjodhi të mos votojë, por të hidhte pankarta simbolike në sallë. Peleshi u përzgjodh si si kryetari i ri i Kuvendit pas propozimit të Edi Ramës.
Zelandë e Re: Mijëra protestues kundër gjenocidit në Gaza
Mijëra protestues u mblodhën në Auckland, Zelandë e Re, për të protestuar ndaj gjenocidit dhe krizës së urisë në Gaza. Organizatorët e cilësuan protestën si “më të madhen ndonjëherë”, referuar kauzës së Gazës, që prej fillimit të luftës së përgjakshme.
Sipas organizatës “Aotearoa për Palestinën”, në marshim morën pjesë rreth 50,000 persona, ë cilët mbanin nëpër duar pankarta të ndryshme. Protesta ishte paqësore dhe solidarizuese, pa incidente me autoritetet.
Ndërkohë, qytetarët i bënë apel qeverisë që të sanksionojë Izraelin. Qeveria e Zelandës së Re ka qenë e zëshme ndaj gjenocidit në Gaza, duke kërkuar armëpushim dhe respektimin e ligjit ndërkombëtar, por ende nuk ka vendosur masa kundër Izraelit.
Japoni: Popullata mbi 100 vjeç arrin rekorde!
Në Japoni, numri i personave që janë +100 vjeç është rritur në një rekord të ri, prej 99,763 personash, bëri me dije qeveria japoneze. Gjatë 55 viteve të fundit, kjo tendencë është gjithnjë në rritje.
Sipas raportimeve, numri i personave mbi 100 vjeç mund të rritet me shifrën 4,644, krahasuar me vitin e kaluar. Gratë përbëjnë rreth 88% të shifrave të përgjithshme (87,784), ndërsa burrat, 12% e mbetur (11,979).
Personi më i vjetër është Shigeko Kagawa, një grua 114-vjeçare.
