Pavarësisht kushteve jo dhe aq të zakonshme dhe përshtatjes me normalitetin e ri, Grammy 2021 sollën më shumë stil nga ç'ishim përgatitur për të parë. Pamë Dua Lipa-n në një dimension tjetër, Harry Styles me detajet e tij unike dhe s'mund të mos ndalojmë tek Beyonce- ose më saktë tek thonjtë e saj mbi doreza.

Këngëtarja nuk theu rekord vetëm për numrin e çmimeve në eventin më të rëndësishëm muzikor, por gjithashtu me thonjtë e saj gold mbi dorezat e zeza. Filloni fërkoni sytë që të shihni tamam thonjtë që pa frikë, meritojnë një çmim më vete.

Dorezat avantgard ishin në harmoni perfekte me fustanin e zi nga Schiaparelli, vathët gjigante gold dhe syzet. Beyonce u shfaq me një grim të lehtë, për t'ja lënë vëmendjen thonjve mbi doreza.

Dihet që Tëitter-it s'i shpëton asgjë, prandaj fillojmë me memet. 

Sidoqoftë kjo s'është hera e parë që Bey bën thonjtë mbi doreza. Kujtojmë këtu dorezat e saj janarin e shkuar në Golden Globes.