Foto: Aurela Gaçe

Aurela Gaçe bën shpeshherë kthime pas në kohë në Instagramin e saj dhe artistja është e njohur për transformimet e shumta të flokëve të saj. Kësaj here, Aurela na ktheu pas në 1996-ën e saj, ku në sy bien bien menjëherë flokët në ngjyrë bakri, gati-gati ngjyrë xhinxher. Siç e dimë të gjithë tani, kjo ngjyrë po bën namin së fundmi dhe nëse e ke me dy mendje për ta bërë dhe ti këtë ndryshim në pamje ose jo, vazhdo lexo më poshtë e mbase bindesh. ;)

Xhinxher është nuanca më e re dhe më trendi e flokëve, një përzierje mes së kuqes dhe ngjyrës së bakrit me nuanca ari që sjell ngrohtësi dhe shkëlqim edhe gjatë këtyre muajve të ftohtë. Kjo ngjyrë është një version më i ngrohtë i bakrit dhe ka mjaft dimension për të qëndruar elegante gjatë dimrit, duke i dhënë flokëve jetë dhe thellësi. 

E mira e ngjyrës xhinxher është se ajo është e përshtatshme për shumë tone lëkure, përfshirë të çelëta dhe të bronzuara. Ndonëse mbetet një nuancë e guximshme, ajo është e freskët dhe unike, duke i dhënë çdo pamjeje një stil të veçantë. Për të zgjedhur nuancën më të mirë për lëkurën tuaj, ekspertët rekomandojnë një konsultë në sallon.

Mirëmbajtja e ngjyrës është kyçe, sepse xhinxheri zbehet shpejt. Ekspertët këshillojnë larjen e flokëve me ujë të ngrohtë, shpëlarjen me ujë të ftohtë dhe përdorimin e mbrojtjes termike kur stiloni me pajisje të nxehta. Për ta freskuar ngjyrën në shtëpi, mund të përdorni shampo me ngjyrë 1-2 herë në muaj ose të përzieni ngjyrën semi-permanente me balsam për trajtime të rregullta.

Xhinxheri për dimër është zgjedhja e përsosur për ato që duan një pamje të guximshme, elegante dhe moderne, e cila u sjell ngrohtësi dhe shkëlqim flokëve në sezonin më të ftohtë.