Daniel Martin, grimieri pas look-ut të famshëm të ditës së dasmës së Meghan Markle, ndan me botën shtatë këshilla për grim që nuk të fsheh tiparet dhe që të bën ty të dukesh si një version më i mirë i vetes.
1. Grim në bazë të vendndodhjes
“Kini parasysh ku po shkoni dhe si do t’ju godasë drita. Për sa kohë lëkura juaj duket si lëkurë, askush s’do të vërë re grimin tuaj, por ju.”
2. Hiqni dorë nga fondatina shumë-orëshe
“Më pëlqen të përdor hidratues me bazë ujin nën fondatinë me bazë ujin, sidomos kur dua që grimi të qëndrojë më gjatë. Nëse përzieni produkte me bazë uji me produkte me bazë vaji, gjithçkja do të shpërbëhet brenda pak orësh.
3. Përdorni primer sysh për të mbuluar aknet a njollat
“Për të mbuluar aknet përdor një shtresë të hollë xhel kortizoni, të cilin e lë të zërë vend për pak minuta. Më pas, aplikoj primer sysh dhe vijoj me rutinën e përhershme, korrektor dhe fondatinë.
4. Hiqni dorë nga furçat dhe sfungjerët
“Nëse grimoheni me duar dhe hiqni dorë nga furçat do të vini re një lloj gjallërie dhe shkëlqimi që s’arrihet lehtësisht në mënyra të tjera.”
5. Ngjyra e fondatinës duhet të përputhet me ngjyrën e stomakut
“Jam trajnuar që të dalloj ngjyrën e fondatinës së një klienti duke parë stomakun. Gjithashtu, kraharori duhet të jetë e njëjta ngjyrë me fytyrën dhe jo e anasjellta. Zakonisht, kraharori është më i kuq dhe kjo duhet neutralizuar.”
6. Nuk keni nevojë për highlighter që të shkëlqeni
“S’më pëlqejnë pudrat me shkëlqim sepse duken metalike në foto. Preferoj pomadat ose serumet, të cilët i aplikoj në pjesët më të larta të fytyrës pasi përfundoj pjesën tjetër të grimit.
7. Korrektor + hidratues = lëkurë fantastike
“Mendoj se dita duhet nisur me pak grim në fytyrë. Në të kundërt, pas tre ose katër orësh, gjithë puna e bërë në mëngjes duket komplet ndryshe. Rekomandoj hidratues me pak korrektor për të pasur pak mbulim, por edhe për të parë lëkurën.”