Taylor Swift bëri një lëvizje historike në industrinë e muzikës, duke blerë masterat e albumeve të saj për rreth 360 milionë dollarë, një shifër që tregon sa shumë vlerë ka krijimtaria e saj.

Por çfarë janë masterat? Masterat janë regjistrimet origjinale të këngëve — versionet finale që përdoren për të prodhuar kopjet në CD, streaming dhe çdo platformë tjetër muzikore. Kur artisti zotëron masterat, ai ka kontrollin e plotë mbi muzikën e tij: kur, si dhe ku përdoret ajo. Kjo do të thotë fitim dhe fuqizim të jashtëzakonshëm për këngëtarin.

Taylor filloi në vitin 2021 një proces të ripërpunimit të albumeve të saj të para, duke i ripublikuar nën emrin “Taylor’s Versions”. Kjo ishte mënyra e saj për të marrë në dorë pronësinë e krijimeve të saj pas një beteje të gjatë me ish-menaxherin Scooter Braun dhe kompaninë që zotëronte të drejtat e këtyre albumeve.

Vetë Taylor ka përjetuar shumë sfida dhe emocione gjatë këtij rrugëtimi. Në një mesazh të fundit, ajo pranoi se pas shumë viteve pritjeje dhe ndjenjave të ndryshme, tani ndihet e lirë të thotë me krenari: “E gjithë muzika që kam bërë… tani është e imja.”

Blerja e masterave është një triumf i madh, jo vetëm për Taylor, por edhe për artistët e tjerë që luftojnë për të mbajtur kontrollin mbi krijimtarinë e tyre në industrinë muzikore.

Artikuj të sugjeruar:

_{Burimi: Page Six}