81 vjeç, e lumtur dhe pa pendesa: kështu shfaqet Sophia Loren në intervistën e fundit për Today Show. Legjenda e gjallë e kinemasë ka treguar se nuk lodhet kurrë së dëgjuari se është e bukur. ‘Oh, jo. Nuk lodhem kurrë. Është shumë bukur ta dëgjosh’.
Ndoshta aktorja më ikonike italiane, Sophia Loren u bë e para artiste që mori një Oscar si Aktorja më e Mirë për një film në gjuhë të huaj. Por ‘Çoçarja’ shenjoi kujtesën botërore me bukurinë, të cilën ajo nuk e përshkruan si ‘perfekte’: ‘Bukuria nuk ka të bëjë aspak me perfeksionin. Është diçka që buron nga brendia. Unë ndihesha unike. Nuk kam qenë kurrë e bukur në kuptimin, si kukull. Kurrë s’kam qenë e tillë’
‘Dukem shumë mirë. Dukem e mrekullueshme. Më vjen për të qeshur, por të gjithë ma thonë. Ndonjëherë nuk i besoj më këto, por njerëzit janë shumë bindës’, ka thënë ajo më herët për revistën Ë.
Më 26 mars, ajo do të prezantojë shfaqjen e saj në Las Vegas. Në një show krejtësisht personal, fansat e saj do të kenë mundësinë të dëgjojnë kujtimet më të pashlyeshme të jetës, të rrëfyera nga vetë Sophia. Por asnjë pendesë nuk do të dalë nga buzët e saj:
‘Është shumë e vështirë të zgjedh se për çfarë jam më tepër krenare’, tha ajo për Today Show, ‘Jam shumë e bindur se gjithçka kam bërë që prej fillimit, e deri më tani, ka qënë gjëja e duhur’
Burimi: DailyMail/ Përshtati: Genta Hodo
